ସୁବର୍ଣ୍ଣପୁର: ଡୁଙ୍ଗୁରିପାଲି ବ୍ଲକ କଟାପାଲିରେ ଧୋଇଗଲା ଆରଡ଼ି ରାସ୍ତାର ଅସ୍ଥାୟୀ ପୋଲ । ଲଘୁଚାପ ଜନିତ ଲଗାଣ ବର୍ଷା ଯୋଗୁଁ ପୋଲଟି ଭାଙ୍ଗି ଧୋଇ ଯାଇଛି । ଫଳରେ ରାସ୍ତାରେ 30 ଫୁଟର ଘାଇ ହୋଇଯାଇଥିବାରୁ ଏସ ରାମପୁର ଏବଂ କଟାପାଲିକୁ ସମ୍ପୂର୍ଣ ଭାବେ ଯୋଗାଯୋଗ ବିଛିନ୍ନ ହୋଇଛି I
ଭିଡ଼ିଓ ସୌଜନ୍ୟ: ପ୍ରତିନିଧି, ସୁବର୍ଣ୍ଣପୁର
ଯୋଗାଯୋଗ ପାଇଁ ଏହି ରାସ୍ତା ଉପରେ ନିର୍ଭର କରୁଥିବା 8ଟି ପଞ୍ଚାୟତର ପ୍ରାୟ ଷାଠିଏ ଖଣ୍ଡ ମୌଜାର ହଜାର ହଜାର ଲୋକଙ୍କ ଯିବା ଆସିବା ବନ୍ଦ ହୋଇଯାଇଛି । ଲୋକେ 5ରୁ 10 କିଲୋମିଟର ବୁଲି ରାମପୁର ସହରକୁ ଯିବା ଆସିବା କରୁଛନ୍ତି I କଟାପାଲି ଗାଁ ନିକଟରେ ଥିବା ଏହି ଅସ୍ଥାୟୀ ପୋଲ ପାଖରେ ଏକ ବ୍ରିଜ୍ କାମ ମଧ୍ୟ ଚାଲୁରହିଛି । ତୁରନ୍ତ ବ୍ରିଜ୍ କାମ ଶେଷ କରିବାକୁ ସ୍ଥାନୀୟ ଲୋକେ ଦାବି କରିଛନ୍ତି I ହେଲେ ଚଳିତ ବର୍ଷାରେ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ।