ସୋନପୁର:ପାଞ୍ଚ ଦଫା ଦାବି ନେଇ ଧାରଣାକୁ ଓହ୍ଲାଇଲେ ମିଳିତ ଶିକ୍ଷକ ମଞ୍ଚ । ସୋନପୁର ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ବିକ୍ଷୋଭ ପ୍ରଦର୍ଶନ କଲେ ଶିକ୍ଷକ ମଞ୍ଚ । ଗଣ ଶିକ୍ଷା ବିଭାଗ ଅଧୀନରେ କାର୍ଯ୍ୟ କରୁଥିବା ହଜାର ହଜାର ଶିକ୍ଷକ ସ୍ଥାନୀୟ ରୟାଲ ପଡ଼ିଆରୁ ବାହାରି ସହର ପରିକ୍ରମା କରି ଜିଲ୍ଲାପାଳଙ୍କ କାର୍ଯ୍ୟାଳୟକୁ ପହଞ୍ଚିଥିଲେ । ସେଠାରେ ବିକ୍ଷୋଭ ପ୍ରଦର୍ଶନ କରିବା ସହିତ ପାଞ୍ଚ ଦଫା ଦାବି ପୂରଣ ପାଇଁ ଜିଲ୍ଲା ପ୍ରଶାସନ ନିକଟରେ ଦାବି ଉପସ୍ଥାପନ କରିଥିଲେ ।
ପାଞ୍ଚ ଦଫା ଦାବି ମିଳିତ ଶିକ୍ଷକ ମଞ୍ଚର ଆନ୍ଦୋଳନ ଏହା ମଧ୍ୟ ପଢନ୍ତୁ-Maoists Killed: SOG ଓ BSFର ମିଳିତ କୁମ୍ବିଂ ଅପରେସନରେ ୨ ମାଓବାଦୀ ମୃତ
ଶିକ୍ଷକ ମାନେ ନିୟମିତ ଶିକ୍ଷକ ହେବା ପୂର୍ବରୁ ଶିକ୍ଷା ସହାୟକ ଓ ଶିକ୍ଷା କର୍ମୀ ଭାବେ ଛଅ ବର୍ଷ କାର୍ଯ୍ୟ କରିଥିଲେ । ତେବେ ନିୟମିତ ଶିକ୍ଷକ ହେବା ପରେ ମଧ୍ୟ ସରକାର ଚାକିରୀ ମାନ୍ୟତା ପ୍ରଦାନ କରି ନାହାନ୍ତି । ତେବେ ଶିକ୍ଷକତା ଆରମ୍ଭର ଛଅ ବର୍ଷ ଚାକିରା ଭାବେ ଗଣନା କରିବା ସହିତ ଦରମା ବୃଦ୍ଧି କରିବା ପାଇଁ ଦାବି କରିଛନ୍ତି ମିଳିତ ଶିକ୍ଷକ ମଞ୍ଚର ସଦସ୍ୟ । ସେହିପରି ପୁରୁଣା ପେନସନ ଲାଗୁ କରିବା, ଗ୍ରେଡ ପେ 2800କୁ ମୂଳ ଦରମାରେ ମିଶାଇବା ଆଦି ଦାବି ପୂରଣ ପାଇଁ ଆନ୍ଦୋଳନକୁ ଓହ୍ଲାଇଥିଲା ଶିକ୍ଷକ ମଞ୍ଚ ।
ଦାବି ପୂରଣ ପାଇଁ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ସ୍ଥାନୀୟ ଜିଲ୍ଲା ପ୍ରଶାସନକୁ ଏକ ସ୍ମାରକ ପତ୍ର ପ୍ରଦାନ କରିବା ସହିତ ଦାବି ପୂରଣ ନ ହେଲେ ପୁଣି ଆନ୍ଦୋଳନ କରିବେ ବୋଲି ଧମକ ଦିଆଯାଇଛି ।
ଇଟିଭି ଭାରତ, ସୋନପୁର
