ସୁବର୍ଣ୍ଣପୁର: ସୁବର୍ଣ୍ଣପୁର ଜିଲ୍ଲା ପରିଷଦ ଅଧ୍ୟକ୍ଷ ଆସନ ହାସଲ କଲା ବିଜେଡି । ବିଜେଡି ପ୍ରାର୍ଥିନୀ ଡୁଙ୍ଗୁରିପାଲି ବ୍ଳକର ଜୋନ ନମ୍ବର ୨ରୁ ବିଜେଡି ଜିଲ୍ଲା ପରିଷଦ ଭାବେ ବିଜୟୀ ହୋଇଥିବା ସୁପାର ଠେଲା ଅଧ୍ୟକ୍ଷା ଭାବେ ନିର୍ଦ୍ବନ୍ଦରେ ନିର୍ବାଚିତ ହୋଇଛନ୍ତି । ସମସ୍ତ କଳ୍ପନା ଜଳ୍ପନାର ଅନ୍ତ ଘଟାଇ ସୋନପୁର ବିଧାୟକ ତଥା ରାଜ୍ୟ ଅବକାରୀ ଓ ଅର୍ଥ ମନ୍ତ୍ରୀ ନିରଞ୍ଜନ ପୂଜାରୀ ପ୍ରାର୍ଥୀପତ୍ର ଦାଖଲ କରିବା ପୂର୍ବରୁ ବିଜେଡି ଜିଲ୍ଲା ପରିଷଦ ସଭ୍ୟମାନଙ୍କୁ ସୁପାର ଠେଲାଙ୍କୁ ନିର୍ବାଚିତ କରିବା ପାଇଁ ପ୍ରସ୍ତାବ ରଖିଥିଲେ ।
ସୁପାର ଠେଲା ହେଲେ ସୁବର୍ଣ୍ଣପୁରର ଜିଲ୍ଲା ପରିଷଦ ଅଧ୍ୟକ୍ଷା
ତେବେ ଜିଲ୍ଲାର 13ଗୋଟି ଜିଲ୍ଲା ପରିଷଦ ଆସନ ଭିତରୁ ବିଜେଡି 11 ଗୋଟି ଜିଲ୍ଲା ପରିଷଦ ଆସନରେ ବିଜୟୀ ହୋଇଥିବା ବେଳେ କଂଗ୍ରେସ ଓ ବିଜେପି ଉଭୟେ ଗୋଟିଏ ଲେଖାଏଁ ଆସନରେ ବିଜୟୀ ହୋଇଥିଲେ । ଜିଲ୍ଲା ପରିଷଦ ଅଧ୍ୟକ୍ଷା ଆସନ ପାଇଁ ବିପକ୍ଷ ଦଳ ନୀରବ ରହିଥିବା ବେଳେ ବିଜେଡି ଭିତରେ ପ୍ରବଳ ଅଙ୍କକଷା ଚାଲିଥିଲା ।