ସୁବର୍ଣ୍ଣପୁର: ଅଧାପନ୍ତରିଆ ହୋଇପଡି ରହିଛି ସୁବର୍ଣ୍ଣପୁର ସହରର ରିଂ ରୋଡ ପ୍ରକଳ୍ପ। ଆଜକୁ ଏକ ଦଶନ୍ଧିରୁ ଅଧିକ ସମୟ ହେଲା ରିଂ ରୋଡ କାର୍ଯ୍ୟ ସଂପୂର୍ଣ୍ଣ ହୋଇ ପାରିନାହିଁ । ଏହି ଐତିହାସିକ ସହରକୁ ମହାନଦୀ ଓ ତେଲନଦୀର ବନ୍ୟା ଦାଉରୁ ସୁରକ୍ଷା ଦେବା ସହିତ ଐତିହ୍ୟ ସଂପନ୍ନ ଶୈବପୀଠଗୁଡିକୁ ସୁରକ୍ଷା ଦେବା ପାଇଁ ଏହି ପ୍ରକଳ୍ପ ଆରମ୍ଭ କରାଯାଇଥିଲା ।
ଅଧାପନ୍ତରିଆ ହୋଇ ପଡି ରହିଛି ରିଂ ରୋଡ଼
ଜାନୁୟାରୀ 2011ରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୁବର୍ଣ୍ଣପୁର ସହରକୁ ଗସ୍ତରେ ଆସି ଏହି ପ୍ରକଳ୍ପର ଭିତ୍ତି ପ୍ରସ୍ତର ସ୍ଥାପନ କରିଥିଲେ । ପ୍ରାୟ 21 କୋଟି 74 ଲକ୍ଷ ଟଙ୍କା ବ୍ୟୟ ଅଟକଳରେ ଏହି ବନ୍ଧ ନିର୍ମାଣ କରିବା ପାଇଁ ଯୋଜନା କରାଯାଇଥିଲା । ହେଲେ ଦଶନ୍ଧି ପରେ ବି ପ୍ରକଳ୍ପର 50 ପ୍ରତିଶତ କାର୍ଯ୍ୟ ସଂପୂର୍ଣ୍ଣ ହୋଇ ପାରିନାହିଁ ।