ସୁବର୍ଣ୍ଣପୁର:ସଦର ଟାଉନ ଥାନା ପୋଲିସକୁ ବଡ ସଫଳତା । ହରଡଖୋଲର ମନୋଜ କୁମାର ପୁରୋହିତଙ୍କୁ ଆକ୍ରମଣ ଘଟଣାରେ ୫ ଜଣକୁ ଗିରଫ କରି କୋର୍ଟ ଚାଲାଣ କରିଲା ପୋଲିସ । ଏହାସହ ସୋମାନଙ୍କ ଠାରୁ ଆଇରନ ରଡ, ହକି ଷ୍ଟିକ ସହ ୫ଟି ମୋବାଇଲ ଜବତ କରିଛି ପୋଲିସ ।
ହରଡଖୋଲର ମନୋଜ ଆକ୍ରମଣ ଘଟଣା
ସୂଚନା ଅନୁସାରେ, ଗତ ୧ ତାରିଖରେ ହରଡଖୋଲର ମନୋଜ କୁମାର ପୁରୋହିତ ନାମକ ଜଣେ ଯୁବକଙ୍କୁ ଆକ୍ରମଣ କରିବା ସହ ତେଲନଦୀ ବ୍ରିଜକୁ ନେଇ ଫିଙ୍ଗି ଦେବାର ଉଦ୍ୟମ କରିଥିଲେ । ଏହାସହ ମନୋଜ ପାଖରୁ ତିନି ହଜାର ଟଙ୍କା ମଧ୍ୟ ଛଡାଇ ଆଣିଥିଲେ । ଏନେଇ ଥାନାରେ ଅଭିଯୋଗ ହେବା ପରେ ପୋଲିସ ତଦନ୍ତ କରି ପାଞ୍ଚ ଜଣକୁ ଗିରଫ କରିବାରେ ସଫଳ ହୋଇଛି । ଏହି ଅଭିଯୁକ୍ତମାନେ ବିଭିନ୍ନ ଅସାମାଜିକ ଓ ବେଆଇନ କାର୍ଯ୍ୟରେ ଲିପ୍ତ ଥିବା ପୋଲିସ ପକ୍ଷରୁ ସୂଚନା ଦିଆଯାଇଛି । ଅଭିଯୁକ୍ତମାନେ ହେଲେ ସହରର ପଟାଭାଡିର ଶଶାଙ୍କ ମିଶ୍ର, ବାଲିଯୋରୀ ଗାଁର ପୁରୁଷୋତ୍ତମ ସୁନା, ସହରର ସୁନିଲ ଏଲିଆସ , ସୟଦ ନସିବ ଓ ଇନ୍ଦ୍ରଜିତ ସାହୁ ବୋଲି ଏସପି ସୂଚନା ଦେଇଛନ୍ତି ।