ସୁବର୍ଣ୍ଣପୁର: ଡ୍ୟାମ ନିର୍ମାଣ ପାଇଁ ଦାବି କଲେ ସୁବର୍ଣ୍ଣପୁର ଚାଷୀ । ସୁବର୍ଣ୍ଣପୁର ସଦର ବ୍ଲକର ରେଙ୍ଗାଲି, ଛୋକରମାଲ ଓ ଲଛିପୁର ପଞ୍ଚାୟତର ଚାଷୀମାନେ ଖୀରଶାଖାଇ ଡ୍ୟାମ ନିର୍ମାଣ ପାଇଁ ଦାବି କରିଛନ୍ତି। ଗତ ଜାନୁଆରୀ 3 ତାରିଖରେ କୃଷି ସମାବେଶରେ ନିଷ୍ପତ୍ତି ନେବା ପରେ ଗୁରୁବାର ଡ୍ୟାମ ନିର୍ମାଣ ପାଇଁ ଜିଲ୍ଲା ପ୍ରଶାସନ ପାଖରେ ଦାବି ଉପସ୍ଥାପନ କରିଛନ୍ତି।
ଖୀରଶାଖାଇ ଡ୍ୟାମ ନିର୍ମାଣ ପାଇଁ ସୁବର୍ଣ୍ଣପୁର ଚାଷୀଙ୍କ ଦାବି
ଏହି ଅଞ୍ଚଳରେ ଥିବା ଅଙ୍ଗ କେନାଲରୁ ପର୍ଯ୍ୟାପ୍ତ ଜଳସେଚନ ବ୍ୟବସ୍ଥା ହୋଇ ପାରୁ ନାହିଁ । ଫଳରେ ବାରପାହାଡ଼ ଜଙ୍ଗଲର ବିଜା ଡୁଙ୍ଗୁରି ଓ ସୁରୁ ଡୁଙ୍ଗୁରିକୁ ନେଇ ଏକ ଜଳସେଚନ ପ୍ରକଳ୍ପ ତିଆରି କଲେ ଆଞ୍ଚଳିକ ଜଳସେଚନ ସମସ୍ୟାର ସମାଧାନ ହୋଇ ପାରିବ ବୋଲି ଚାଷୀମାନେ କହିଛନ୍ତି ।