ସୁବର୍ଣ୍ଣପୁର: ସଙ୍ଗମ ଆରତୀ ସଂଗଠନ ପକ୍ଷରୁ ମମିତାଙ୍କ ପାଇଁ ଦୀପାବଳୀରେ ଦୀପଟିଏ ଦାନ କରିବାକୁ ଜିଲ୍ଲାବାସୀଙ୍କୁ ନିବେଦନ କରାଯାଇଛି । ଜିଲ୍ଲାର ଅନ୍ୟତମ ସ୍ବେଛାସେବୀ ଓ ସାଂସ୍କୃତିକ ଅନୁଷ୍ଠାନ ପଏଁରୀ ,ନାଟ୍ୟଚକ୍ର ,ଜୁହାର ଓ ମହାନଦୀ ସାହିତ୍ୟ ସଂସଦ ପକ୍ଷରୁ ମମିତାଙ୍କ ଆତ୍ମାର ସଦଗତି ପାଇଁ ଦୀପାବଳୀରେ ଦୀପ ଯଜ୍ଞର ଆୟୋଜନ କରାଯାଇଥିବା ସୂଚନା ଦେଇଛନ୍ତି ।
ଦୀପାବଳୀରେ ମମିତାଙ୍କ ପାଇଁ ଦୀପଟିଏ
ସ୍ଥାନୀୟ ପ୍ରୋଗ୍ରେସ ଇନ ସମ୍ମିଳନୀ କକ୍ଷରେ ଆୟୋଜିତ ସାମ୍ବାଦିକ ସମ୍ମିଳନୀରେ ମମିତାଙ୍କ ପାଇଁ ଜିଲ୍ଲାର ସମସ୍ତ ମା ,ଭଉଣୀ ,ଗୃହିଣୀମାନେ ନିଜ ଦୁଆର ଆଗରେ ମମିତାଙ୍କ ଉଦ୍ଦେଶ୍ୟରେ ଦୀପ ପ୍ରଦାନ କରିବାକୁ ଅନୁରୋଧ କରିଛନ୍ତି । ସହରର ବରିଷ୍ଠ ଆଇନଜୀବୀ ଶ୍ୟାମା ଓଁମ ପ୍ରସାଦ ମିଶ୍ରଙ୍କ ପୌରହିତ୍ୟରେ ଆୟୋଜିତ ଏହି ସାମ୍ବାଦିକ ସମ୍ମିଳନୀରେ ଦୀପାବଳୀ ସଂଧ୍ୟାରେ ସହରର ବିଜୁ ପଟ୍ଟନାୟକ ଛକରେ ସହରବାସୀ ମମିତାଙ୍କ ଉଦ୍ଦେଶ୍ୟରେ ଦୀପ ପ୍ରଦାନରେ ସାମିଲ ହେବାକୁ ଆହ୍ବାନ କରାଯାଇଛି ।