ସୁବର୍ଣ୍ଣପୁର: ସାରା ବିଶ୍ବ ଏବେ କେରୋନା କବଳରେ । କୋରୋନାରୁ ରକ୍ଷା ପାଇବା ପାଇଁ ମାସ୍କ ବ୍ୟବହାର କରିବା, ହାତ ସାନିଟାଇଜ କରିବା ଓ ସାମାଜିକ ଦୂରତା ବଜାୟ ରଖିବା ଆଦିର ଆବଶ୍ୟକ ରହିଛି । କୋରୋନାକୁ ମୁକାବିଲା କରିବାକୁ ଗୁରୁବାର ଅଗ୍ନିଶମ ବିଭାଗ ପକ୍ଷରୁ ସୁବର୍ଣ୍ଣପୁର ସହରକୁ ସାନିଟାଇଜ କରାଯାଇଛି ।
ସାନିଟାଇଜ ହେଲା ସୁବର୍ଣ୍ଣପୁର ସହର
ଦିନକୁ ଦିନ ସହରରେ କୋରୋନା ସଂକ୍ରମଣ ବଢୁଥିବାରୁ ଜିଲ୍ଲା ପ୍ରଶାସନ ପକ୍ଷରୁ ଏପରି ନିଷ୍ପତ୍ତି ନିଆଯାଇଛି । ଏବେ ଜୀବନଯାତ୍ରା ସ୍ବାଭାବିକ ହୋଇ ଥିବା ବେଳେ ଲୋକଙ୍କ ମନରୁ କୋରୋନା ଭୟ ଉଭେଇ ଗଲାଣି । ଫଳରେ ଲୋକେ ମାସ୍କ ପରିଧାନ କରିବା ଅଥବା ସାମାଜିକ ଦୂରତା ରକ୍ଷା କରିବା ନେଇ ସେତେଟା ସଚେତନ ହେଉ ନାହାନ୍ତି । ଫଳରେ ସଂକ୍ରମଣ ବଢି ବଢ଼ି ଚାଲିଛି।