ସୁବର୍ଣ୍ଣପୁର: ରାଜ୍ୟରେ ବର୍ତ୍ତମାନ ଜାରି ରହିଛି କୋରୋନା କାୟା । ଏଭଳି ସ୍ଥିତିରେ ସାର୍ବଜନୀନ ଦୁର୍ଗାପୂଜା ପାଳନ ଉପରେ ନିଜ ପ୍ରତିକ୍ରିୟା ରଖିଛନ୍ତି ସୁବର୍ଣ୍ଣପୁର ଜିଲ୍ଲାର ଆରକ୍ଷୀ ଅଧିକ୍ଷକ ଦେବୀ ପ୍ରସାଦ ଦାସ । ସରକାର କୋଭିଡ 19 ସଂକ୍ରମଣକୁ ପ୍ରତିହତ କରିବା ପାଇଁ ଜାରି କରିଥିବା ନିର୍ଦ୍ଦେଶ ଅନୁଯାୟୀ ପୂଜା ପାଳନ କରାଯିବ ବୋଲି ସାମ୍ବାଦିକ ମାନଙ୍କୁ ସେ ସୂଚନା ଦେଇଛନ୍ତି ।
କୋରୋନା କାଳରେ ଦୁର୍ଗାପୂଜା ପାଳନ ଉପରେ ସୁବର୍ଣ୍ଣପୁର ଏସପିଙ୍କ ପ୍ରତିକ୍ରିୟା
ତେବେ ଚଳିତ ବର୍ଷ ରୁଦ୍ଧ କୋଠରୀରେ ପୂଜା ପାଳନ କରିବାକୁ ନିଷ୍ପତ୍ତି ନିଆଯାଇଛି । ପୂଜା ମଣ୍ଡପରେ ଜନସାଧାରଣଙ୍କ ସମାଗମକୁ ବାରଣ କରାଯାଇଥିବା ବେଳେ ଡ଼ାକବାଜି ଯନ୍ତ୍ର ବ୍ୟବହାର ଉପରେ କଟକଣା ଜାରି କରାଯାଇଛି । ସେହିପରି ଭସାଣୀ ଶୋଭାଯାତ୍ରା ଉପରେ ରୋକ ଲଗାଯାଇଛି ଏବଂ ପ୍ରଶାସନ ଧାର୍ଯ୍ୟ କରିଥିବା ପୋଖରୀରେ ମୂର୍ତ୍ତି ବିସର୍ଜନ କରାଯିବ ବୋଲି କହିଛନ୍ତି।