ସୁବର୍ଣ୍ଣପୁର: ସହରର ଦକ୍ଷିଣ ଭାରତୀୟ ଗୌରମ୍ମା ସାମ୍ରାଲୁ ବା ହରଗୌରୀ ଯାତ୍ରା ଅନ୍ତିମ ପର୍ଯ୍ୟାୟରେ ପହଞ୍ଚିଛି । ଆସନ୍ତାକାଲି ହରଗୌରୀଙ୍କ ନଗର ଶୋଭାଯାତ୍ରା ପରେ ମହାନଦୀରେ ତେନ୍ତୁଳିଘାଟରେ ବିସର୍ଜନ କରାଯିବା ପାଇଁ ବ୍ୟାପକ ବ୍ୟବସ୍ଥା କରାଯାଇଛି ।
ଅନ୍ତିମ ଦିବସରେ ଦକ୍ଷିଣ ଭାରତୀୟ ହରଗୌରୀ ଯାତ୍ରା
ଅନ୍ତିମ ଦିନରେ ବୁଢୀମା ଠାକୁରାଣୀ ଓ ହରଗୌରୀଙ୍କ ସ୍ବତନ୍ତ୍ର ପୂଜା ଆରାଧନା କରାଯାଇଥିଲା । ଏରଭାଦୃଡୁସ୍ବାମୀ ବା ଦେବ ଦେବ ମହାଦେବଙ୍କୁ ତେଲୁଗୁ ସ୍ତ୍ରୋତ ବୋଲି ଦୁଷ୍ଟ ଶକ୍ତି ଗୁଡିକୁ ବିନାଶ କରିବା ପାଇଁ ପ୍ରାର୍ଥନା କରାଯାଇଥିଲା । ହାସ୍ବରୱା ବା ଇଶ୍ବରଙ୍କ ମହିମାକୁ ତେଲୁଗୁ ଭାଷାରେ ବର୍ଣ୍ଣନା କରାଯିବା ସହିତ ଏହି ଯାତ୍ରାର କର୍ତ୍ତା ହରଗୌରୀଙ୍କ ପାଖରେ ବିଶ୍ବଶାନ୍ତି ପାଇଁ ପ୍ରାର୍ଥନା କରିଥିଲେ । ତେବେ ଦକ୍ଷିଣ ଭାରତୀୟ ଏହି ଯାତ୍ରାରେ ସ୍ଥାନୀୟ ଶୈବ ଓ ଦକ୍ଷିଣ ଭାରତୀୟ ଶକ୍ତି ଆରାଧନାର ସମ୍ମିଶ୍ରଣ ଦେଖିବାକୁ ମିଳିଥାଏ ।