ସୁବର୍ଣ୍ଣପୁର: ଜିଲ୍ଲାରେ ରବି ଋତୁ ଧାନ ସଂଗ୍ରହରେ ଅନିୟମିତତା ହେଉଥିବା ଜିଲ୍ଲା ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ଅଧିକାରୀଙ୍କ ପାଖରେ ଅଭିଯୋଗ ହୋଇଛି । ଚଳିତ ରବି ଋତୁରେ ଏଯାଏଁ ସାଢେ 21 ଲକ୍ଷରୁ ଅଧିକ କୁଇଣ୍ଟାଲ ଧାନ ସଂଗ୍ରହ ହୋଇଛି । ଗତ ବର୍ଷ ତୁଳନାରେ ଦୁଇ ଲକ୍ଷ କୁଇଣ୍ଟାଲ ଧାନ ସଂଗ୍ରହ କମ ହୋଇଛି । ତେବେ ମଣ୍ଡି ଗୁଡିକରେ ଏବେ ବି 41 ହଜାର କୁଇଣ୍ଟାଲରୁ ଅଧିକ ଧାନ ମଣ୍ଡିରେ ପଡି ରହିଛି ।
ଧାନ ସଂଗ୍ରହ ବ୍ୟବସ୍ଥାରେ ସ୍ୱଚ୍ଛତା ଆଣିବାକୁ ଦାବି
ପ୍ରାୟ ଲକ୍ଷେ ପ୍ୟାକେଟ ଧାନ ଜିଲ୍ଲା ସାରା ପଡି ରହିଥିବା ବେଳେ ତାହା ପର୍ଯ୍ୟାୟ କ୍ରମେ ଧାନ ମିଲ ଗୁଡିକୁ ଯାଉଛି । ତେବେ ମୌସୁମୀ ବିଳମ୍ବ ହେତୁ ମଣ୍ଡି ଗୁଡିକରେ ଧାନ ସୁରକ୍ଷିତ ଥିବା ବେଳେ ହଠାତ ବର୍ଷା ହେଲେ ଧାନ ବ୍ୟାପକ ପରିମାଣରେ ନଷ୍ଟ ହେବାର ଆଶଙ୍କା କରାଯାଉଛି । ସେପଟେ ମଣ୍ଡି ଗୁଡିକରୁ ଧାନ ଉଠୁନଥିବାରୁ ଟୋକନ ପାଇଥିବା ଚାଷୀମାନେ ନିଜ ଧାନ ବିକ୍ରି କରିପାରୁନାହାନ୍ତି । ତେଣୁ ତୁରନ୍ତ ଏହାର ସମାଧାନ ପାଇଁ ଆଜି ଚାଷୀମାନେ ଜିଲ୍ଲା ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ଅଧିକାରୀଙ୍କ ଦୃଷ୍ଟି ଆକର୍ଷଣ କରିଛନ୍ତି ।