ସୁବର୍ଣ୍ଣପୁର: ଜିଲ୍ଲା ବସ୍ତି ବାସିନ୍ଦା ସୁରକ୍ଷା ମଞ୍ଚ ଓ ଶ୍ରମିକ କୃଷକ ଏକତା ମଞ୍ଚ ପକ୍ଷରୁ ମିଳିତ ଭାବରେ ଆଜି ଦରବୃଦ୍ଧି ପ୍ରତିବାଦରେ ବିକ୍ଷୋଭ ପ୍ରଦର୍ଶନ କରାଯାଇଛି । ରାଜରାସ୍ତାରେ ଚୁଳି ଜାଳି ଦରଦାମ ବୃଦ୍ଧିର ପ୍ରତିବାଦ କରିଛନ୍ତି ଦୁଇଟି ସଂସ୍ଥାର ସଦସ୍ୟ । ବସ୍ତି ବାସିନ୍ଦା ସୁରକ୍ଷା ମଞ୍ଚର ସଭାନେତ୍ରୀ ଜ୍ୟୋତିର୍ମୟୀ ରଥଙ୍କ ନେତୃତ୍ବରେ ଅନେକ ମହିଳା ଏହି ଆନ୍ଦୋଳନରେ ଆଜି ଯୋଗ ଦେଇ କେନ୍ଦ୍ର ସରକାରଙ୍କୁ ଭତ୍ସର୍ନା କରିଛନ୍ତି ।
ଦର ବୃଦ୍ଧିର ପ୍ରତିବାଦରେ ରାସ୍ତାରେ ଚୁଲି ଜାଳିଲେ ଆନ୍ଦୋଳନକାରୀ
ଅତି ଅଭିନବ ଉପାୟରେ ଏହି ମହିଳାମାନେ ପ୍ରତିବାଦ କରିଥିବା ଦେଖିବାକୁ ମିଳିଥିଲା । ରାଜରାସ୍ତାରେ ଚୁଲି ଜାଳି ସେଥିରୁ ଚା’ ତିଆରି କରି ସେହି ବାଟ ଦେଇ ଯାଉଥିବା ବ୍ୟକ୍ତିଙ୍କୁ ପ୍ରଦାନ କରିଥିଲେ ଆନ୍ଦୋଳନକାରୀ ମହିଳା । କେନ୍ଦ୍ର ସରକାରଙ୍କ ବିରୁଦ୍ଧରେ ନାରାବାଜି କରିବା ସହିତ ଦର ନିୟନ୍ତ୍ରଣ ଦାବିରେ ଏହି ବିକ୍ଷୋଭ ପ୍ରଦର୍ଶନ କରାଯାଇଛି ।