ସୁବର୍ଣ୍ଣପୁର: ଶୀତଳଷଷ୍ଠୀକୁ ନେଇ ଚଳଚଞ୍ଚଳ ହୋଇଉଠିଛି ସାରା ସହର । ଏନେଇ ସହରସ୍ଥିତ ବାବା ଲୋକନାଥଙ୍କ ପୀଠରେ ଶୁକ୍ରବାର ସକାଳେ ଦେବୀ ପାର୍ବତୀଙ୍କର ଅଳଙ୍କାର ଧାରଣ ପର୍ବ ସମାପନ ହୋଇଛି । ଏହି ବିଧି ପରେ ଦେବ ଦମ୍ପତିଙ୍କ ବିବାହ ପାଇଁ କନ୍ୟାପାର୍ଶ୍ବରୁ କନ୍ୟାପିତା, ମାତା ଓ ଦେବୀ ପାର୍ବତୀ ଏବଂ ବରପାର୍ଶ୍ବରୁ ବାବା ଲୋକନାଥ ବିବାହ ମଣ୍ଡପକୁ ବିରାଜମାନ ହୋଇଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ସୁବର୍ଣ୍ଣପୁର
ପାରମ୍ପରିକ ରୀତିନୀତିରେ କନ୍ୟାଖୋଜା, ଗୁଆଗୁଣ୍ଡା, ଦେବ ନିମନ୍ତ୍ରଣ ତଥା ଦେବୀ ପାର୍ବତୀ ଓ ବାବା ଲୋକନାଥଙ୍କ ପିତୃ ବାସଭବନ ଗମନ ପର୍ବ ଆଦି ସମ୍ପନ୍ନ ହୋଇଛି । ସମସ୍ତ ନୀତି ଶେଷ ହେବା ପରେ ବେଶ ଆଡମ୍ବରର ଓ ଉତ୍ସାହ ସହ ଭକ୍ତଙ୍କ ଗହଣରେ ବାବା ଲୋକନାଥ ବରଯାତ୍ରୀ ସହ ନଗର ଭ୍ରମଣ କରିସାରି ବିବାହ ମଣ୍ଡପରେ ପହଞ୍ଚିଥିଲେ । ଏଥିସହ ବୈଦିକ ରୀତିରେ ଆରମ୍ଭ ହୋଇଛି ଦେବ ଦମ୍ପତିଙ୍କ ବିବାହ ପର୍ବ ।