ସୁବର୍ଣ୍ଣପୁର: ବୀରମହାରାଜପୁର ବ୍ଳକର କୁମୁର ସିଂହା ଗାଁରେ ଅଜଣା ଜଙ୍ଗଲୀ ଜନ୍ତୁ ଆକ୍ରମଣ । ଏନେଇ ଗାଁ ଲୋକଙ୍କ ଭିତରେ ଭୟ ଓ ଆତଙ୍କ ଖେଳି ଯାଇଛି । ଗତକାଲି ଅଜଣା ଜଙ୍ଗଲୀ ଜନ୍ତୁ ଆକ୍ରମଣରେ ଗାଁର କପିଳ ମହାକୁଡଙ୍କ 25ଟି ମେଣ୍ଢାର ମୃତ୍ୟୁ ହୋଇଛି । 10ଟି ମେଣ୍ଢା ଗୁରୁତର ଭାବେ ଆହତ ହୋଇଛନ୍ତି ।
ଅଜଣା ଜନ୍ତୁ ଆକ୍ରମଣରେ ମେଣ୍ଢା ମୃତ୍ୟୁ ଅଭିଯୋଗ
ସେହିପରି ଅଜଣା ଜଙ୍ଗଲୀ ଜନ୍ତୁର ଆକ୍ରମଣରେ 2 ଦିନତଳେ କୁମୁର ସିଂହାର ପଡୋଶୀ ଗାଁ ନୂଆଗଡ ଓ ଫୁଲଚରାରେ 2ଟି ମେଣ୍ଢାର ମୃତ୍ୟୁ ହୋଇଥିଲା । ମେଣ୍ଢାପାଳକ କପିଳ ଜଙ୍ଗଲ ବିଭାଗ, ପଶୁ ପାଳନ ବିଭାଗ ଓ ରାଜସ୍ବ ବିଭାଗକୁ ମେଣ୍ଢା ମୃତ୍ୟୁ ଖବର ଦେଇଛନ୍ତି । ହେଲେ ଏଯାଏଁ କୌଣସି ସରକାରୀ ବିଭାଗରୁ ଏହାର ତଦନ୍ତ କରିବା ପାଇଁ କେହି ପହଞ୍ଚି ନାହାଁନ୍ତି ।