କୋରୋନା ପାଇଁ କୃଷ୍ଠାଶ୍ରମରେ ସ୍ବୟଂ ସହାୟକ ଗୋଷ୍ଠୀର ସଚେତନତା କାର୍ଯ୍ୟକ୍ରମ

ସୁବର୍ଣ୍ଣପୁର ମା' ସୁରେଶ୍ବରୀ ମହିଳା ସ୍ବୟଂ ସହାୟକ ଗୋଷ୍ଠୀ ପକ୍ଷରୁ କୁଷ୍ଠାଶ୍ରମର ଅନ୍ତେବାସୀମାନଙ୍କ ଭିତରେ ସଚେତନତା କାର୍ଯ୍ୟକ୍ରମ । ମହିଳା ସଦସ୍ୟାମାନେ କୁଷ୍ଠାଶ୍ରମର ଅନ୍ତେବାସୀମାନଙ୍କୁ ମାକ୍ସ, ସାନିଟାଇଜର , ସାବୁନ ପ୍ରଦାନ କରିଛନ୍ତି । ଅଧିକ ପଢନ୍ତୁ...

ସୁବର୍ଣ୍ଣପୁର: ମା' ସୁରେଶ୍ବରୀ ମହିଳା ସ୍ବୟଂ ସହାୟକ ଗୋଷ୍ଠୀ ପକ୍ଷରୁ କୁଷ୍ଠାଶ୍ରମର ଅନ୍ତେବାସୀମାନଙ୍କ ଭିତରେ ସଚେତନତା କାର୍ଯ୍ୟକ୍ରମର ଆୟୋଜନ କରାଯାଇଛି । ସଭାନେତ୍ରୀ ରୀତାଞ୍ଜଳୀ ପାତ୍ରଙ୍କ ନେତୃତ୍ବରେ ମହିଳା ସଦସ୍ୟାମାନେ କୁଷ୍ଠାଶ୍ରମର ଅନ୍ତେବାସୀମାନଙ୍କୁ ମାକ୍ସ, ସାନିଟାଇଜର ଓ ସାବୁନ ଆଦି ପ୍ରଦାନ କରିଥିଲେ । ଏହା ସହିତ ଅନ୍ତେବାସୀମାନଙ୍କୁ କିଛି ଜଳଖିଆ ମଧ୍ୟ ଦିଆଯାଇଛି ।

କୋରୋନା ଭୂତାଣୁର ଭୟାବହତା ସମର୍କରେ ବୁଝାଇବା ସହିତ ସଂକ୍ରମଣ ରୋକିବା ପାଇଁ ହାତଧୋଇବା, ସାନିଟାଇଜର ବ୍ୟବହାର କରିବା, ମାକ୍ସ ପରିଧାନ କରିବା ପାଇଁ ଅନୁରୋଧ କରିଥିଲେ ସ୍ବୟଂ ସହାୟକ ଗୋଷ୍ଠୀର ମହିଳା । ଏହି ସଚେତନତା କାର୍ଯ୍ୟକ୍ରମରେ ମହିଳା ସଦସ୍ୟାମାନଙ୍କ ସମେତ ପୌର ପରିଷଦର କର୍ମଚାରୀମାନେ ମଧ୍ୟ ଯୋଗ ଦେଇଥିଲେ ।

ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା , ଇଟିଭି ଭାରତ