ସୁବର୍ଣ୍ଣପୁର: ସୁବର୍ଣ୍ଣପୁର ସହରର ପ୍ୟାଲେସ ଗାର୍ଡେନ ଲେନରେ ଥିବା ପ୍ରଜ୍ଞାଭାରତୀ ଆବାସିକ ଉଚ୍ଚ ବିଦ୍ୟାଳୟକୁ ସିଲ କରି ଦିଆଯାଇଛି। ବିଦ୍ୟାଳୟ କତ୍ତୃପକ୍ଷ ଦ୍ୱାରା ରାଜ୍ୟ ସରକାରଙ୍କ ପ୍ରଚଳିତ କୋଭିଡ ନିୟମାବଳୀର ଉଲଂଘନ ପାଇଁ ଜିଲ୍ଲା ପ୍ରଶାସନ ତରଫରୁ ସ୍କୁଲ ଓ ସ୍କୁଲ ପରିସରକୁ ପରବର୍ତ୍ତୀ ଆଦେଶ ପର୍ଯ୍ୟନ୍ତ ସିଲ କରାଯାଇଥିବାବେଳେ ଅନୁଷ୍ଠାନ କତ୍ତୃପକ୍ଷଙ୍କୁ 50 ହଜାର ଜୋରିମାନା କରାଯାଇଛି l
ବିଦ୍ୟାଳୟକୁ ସିଲ୍ କଲା ଜିଲ୍ଲା ପ୍ରଶାସନ
ଏହି ଆବାସିକ ଉଚ୍ଚ ବିଦ୍ୟାଳୟ କତ୍ତୃପକ୍ଷ ପ୍ରଚଳିତ ସରକାରଙ୍କ କୋଭିଡ ଗାଇଡ଼ଲାଇନକୁ ଉଲଙ୍ଘନ କରି ନବମ ଶ୍ରେଣୀ ଛାତ୍ରଛାତ୍ରୀଙ୍କୁ ସ୍କୁଲରେ ଅଫଲାଇନ ମାଧ୍ୟମରେ ଶିକ୍ଷାଦାନ ଦେଉଥିବାବେଳେ ସାମାଜିକ ଦୂରତ୍ୱକୁ ମଧ୍ୟ ପାଳନ କରାଯାଉ ନଥିବା ଅଭିଯୋଗ ହୋଇଥିଲା । ଖବର ପାଇବା ପରେ ଜିଲ୍ଲା ପ୍ରଶାସନ ତରଫରୁ ସ୍ତୁଲକୁ ସିଲ୍ କରି ଦିଆଯାଇଛି।