ସୁବର୍ଣ୍ଣପୁର: ଜିଲ୍ଲା ବାଇଗଣଜୋରୀ ଗାଁରେ ସକାଳ ସମୟରେ ଏକ ଘରୁ ଚୋରି ହୋଇଥିବା ସଦର ଥାନାରେ ଅଭିଯୋଗ ହୋଇଛି। ଗାଁର ଶମ୍ଭୁ ପ୍ରସାଦ ଅଗ୍ରୱାଲଙ୍କ ଘରୁ ପାଞ୍ଚ ଭରି ସୁନାଗହଣା , କିଛି ପାଟଶାଢ଼ୀ ଓ ନଗଦ ପ୍ରାୟ ଲକ୍ଷେ ଟଙ୍କା ଦୁର୍ବୃତ୍ତ ମାନେ ଆଲମିରା ଭାଙ୍ଗି ଚୋରି କରିନେଇଥିବା ଅଭିଯୋଗ ହୋଇଛି।
ଘରେ ନଥିବା ସୁଯୋଗ ନେଇ କଳାକନା ବୁଲାଇଲେ ଦୁର୍ବୃତ୍ତ
ଶନିବାର ସକାଳୁ ଘର ଲୋକେ ବାଉଁଶୁଣି ଗାଁକୁ ଏକ ସାମାଜିକ କାର୍ଯ୍ୟକ୍ରମରେ ଯୋଗ ଦେବାକୁ ଯାଇଥିଲେ। ଘରେ ପ୍ରାୟ 7ଟା ବେଳେ ପହଞ୍ଚିବା ପରେ ଘରୁ ଚୋରି ହୋଇଥିବା ଜାଣିବାକୁ ପାଇଥିଲେ। ଘରେ କେହି ନ ଥିବାର ସୁଯୋଗ ପାଇ ଦୁର୍ବୃତ୍ତମାନେ ଦିନରେ ଚୋରି କରି ନେଇଥିବା ପୋଲିସ ପାଖରେ ଅଭିଯୋଗ ହୋଇଛି।