ସୁବର୍ଣ୍ଣପୁର: ଜିଲ୍ଲାର ଉଲୁଣ୍ଡା ବ୍ଲକର ଝାରବାହାଲି ଛକରେ ଜନସାଧାରଣ ରାସ୍ତାରୋକ କରିଛନ୍ତି । ସମ୍ବଲପୁର-ଧର୍ମଶାଳା ରାଜ୍ୟ ରାଜପଥ ଅବରୋଧ କରିବା ଫଳରେ ଯାତାୟାତ ବାଧାପ୍ରାପ୍ତ ହୋଇଛି । ଆଜକୁ ପ୍ରାୟ 15 ଦିନ ହେଲା ଝାରବାହାଲି ଅଞ୍ଚଳରେ ବଣୁଆଁ ହାତୀଙ୍କ ଉପଦ୍ରବ ବଢିଚାଲିଛି । ଦୀର୍ଘ ଦିନ ହେବ ସିଂହାସନ ଜଙ୍ଗଲରେ ରହୁଥିବା ହାତୀ ଏହି ଅଞ୍ଚଳକୁ ଆସି ଅନେକ ଧନଜୀବନ କ୍ଷତି କରୁଛନ୍ତି । ବିଶେଷକରି ଧାନ ଅମଳ ସମୟରେ ଜଙ୍ଗଲରୁ ହାତୀ ଜନବସତି ମୁହାଁ ହୋଇ ଫସଲ ଖାଇଯାଉଛନ୍ତି । ଅନେକ ଫସଲ ମଧ୍ୟ ନଷ୍ଟ କରୁଛନ୍ତି । ତେବେ ଉଲୁଣ୍ଡା ରେଞ୍ଜ କର୍ମଚାରୀମାନେ ହାତୀ ଘଉଡାଇବାରେ ବିଫଳ ହୋଇଥିବା ଅଞ୍ଚଳବାସୀ ଅଭିଯୋଗ କରିଛନ୍ତି ।
ହାତୀ ଉପଦ୍ରବ ପ୍ରତିବାଦରେ ରାସ୍ତାରୋକ