ସୁବର୍ଣ୍ଣପୁର : ସହରର ଭୂମିହୀନ ପରିବାର ଥଇଥାନ ପାଇଁ ପ୍ରଶାସନ ନିକଟରେ ଦାବି । ସୁବର୍ଣ୍ଣପୁର ସହରର ବିଜୁପଟ୍ଟନାୟକ ପୋଲ ନିକଟରେ ରହୁଥିବା 15ରୁ ଅଧିକ ପରିବାର ଥଇଥାନ କରିବା ପାଇଁ ଜିଲ୍ଲା ପ୍ରଶାସନ ପାଖରେ ଦାବି କରିଛନ୍ତି । ମହାନଦୀରୁ ତେଲନଦୀ ଯାଏଁ ଚାରି ଲେନ ବିଶିଷ୍ଟ ରାସ୍ତା ତିଆରି ହେଉଥିବାରୁ ଏହି ପରିବାର ବାସଚ୍ୟୁତ ହେବେ ।
ଚାଲିଛି ଚାରି ଲେନ ରାସ୍ତାକାମ : ସୁବର୍ଣ୍ଣପୁର ସହରର ବାସଚ୍ୟୁତ ପରିବାର ଥଇଥାନ ପାଇଁ ଦାବି
ମହାନଦୀ ପୋଲ ନିକଟରେ ରାଜୁଡା ଅମଳରୁ ଥିବା ରାଜ କୋଠାରେ ପ୍ରାୟ 15ରୁ ଅଧିକ ପରିବାର ଜବରଦଖଲ କରି ରହୁଛନ୍ତି । ଦୀର୍ଘ ଦିନରୁ ଏହି ପରିତ୍ୟକ୍ତ କୋଠାରେ କିଛି ପରିବାର ରହୁଥିବା ବେଳେ କିଛି ପରିବାର କୋଠାର ଚାରି ପାଖରେ କୁଡ଼ିଆ ଘର କରି ରହି ଆସୁଛନ୍ତି । କୋଠାଟି ଜଙ୍ଗଲ କିସମର ଜମି ହୋଇଥିବାରୁ ଏହି ଗରିବ ପରିବାର ମାନେ ସହରାଞ୍ଚଳ ଜାଗା ମିଶନରୁ ବଞ୍ଚିତ ହୋଇଛନ୍ତି ।