ସୁବର୍ଣ୍ଣପୁର: ସହର ସ୍ଥିତ ଏକ ଘରୋଇ ନର୍ସିଂହୋମରେ ବିରଳ ଅସ୍ତ୍ରୋପଚାର ହୋଇଛି । ଜଣେ ଗର୍ଭବତୀ ମହିଳାଙ୍କ ଶରୀରରେ ଏହି ବିରଳ ଅସ୍ତ୍ରୋପଚାର କରାଯିବା ପରେ ସ୍ଥାନୀୟ ଅଞ୍ଚଳରେ ଖବରକୁ ନେଇ ବେଶ୍ ଚର୍ଚ୍ଚା କରାଯାଉଛି। ଅସ୍ତ୍ରୋପଚାରରେ ଉଭୟ ମାଆ ଓ ଶିଶୁ ସୁରକ୍ଷିତ ଥିବାରୁ ଡାକ୍ତରଙ୍କୁ ଧନ୍ୟବାଦ ଜଣାଇଛନ୍ତି ପରିବାର ଲୋକେ ।
ସୁବର୍ଣ୍ଣପୁରରେ ଗର୍ଭବତୀ ମହିଳାଙ୍କ ଶରୀରରେ ବିରଳ ଅସ୍ତ୍ରୋପଚାର
ସୂଚନା ଅନୁଯାୟୀ ଆଜି(ଶନିବାର) ବୌଦ୍ଧ ଜିଲ୍ଲା ଘଣ୍ଟାପଡାର ଜଣେ ମହିଳାଙ୍କର ପ୍ରସବ ଯନ୍ତ୍ରଣା ହେବାରୁ ପରିବାର ଲୋକେ ତାଙ୍କୁ ସୁବର୍ଣ୍ଣପୁର ସ୍ଥିତ ଏକ ଘରୋଇ ନର୍ସିଂହୋମରେ ଭର୍ତ୍ତି କରିଥିଲେ । ସେଠାରେ ଡାକ୍ତର ମହିଳାଙ୍କୁ ଟ୍ୟୁମର ହୋଇଥିବା ଜାଣିବାକୁ ପାଇଥିଲେ । ଏହାପରେ ଡାକ୍ତର ମନୋଜ କୁମାର ନାୟକଙ୍କ ଅଧ୍ୟକ୍ଷତାରେ 4 ଜଣିଆ ଡାକ୍ତରୀ ଦଳ ମହିଳାଙ୍କର ଅସ୍ତ୍ରୋପଚାର କରି ଜଣେ କନ୍ୟା ସନ୍ତାନକୁ ଜନ୍ମଦେବା ସହ ମହିଳାଙ୍କ ପେଟରୁ 2ଟି ବଡ ବଡ ଟ୍ୟୁମରକୁ ଅପରେସନ ପରେ କାଢିଛନ୍ତି ।