ସୁବର୍ଣ୍ଣପୁର:ଚଞ୍ଚକତାର ସହ ପଇସା ନେଇ ସରକାରୀ ଜମିକୁ ନିଜ ଜମି କହି ବିକ୍ରି ଅଭିଯୋଗ । ପ୍ରତିବାଦ କରିବାରୁ ପୀଡିତାଙ୍କ ଉପରକୁ ଆକ୍ରମଣ ଅଭିଯୋଗ । ପୀଡିତାକୁ ନ୍ୟାୟ ପ୍ରଦାନ ଦାବିରେ ସୁରକ୍ଷା ମଞ୍ଚ ପକ୍ଷରୁ ଥାନା ଘେରାଉ ।
ସରକାରୀ ଜମିକୁ ନିଜ ଜମି କହି ବିକ୍ରି ଅଭିଯୋଗ, ସୁରକ୍ଷା ମଞ୍ଚ ପକ୍ଷରୁ ଥାନା ଘେରାଉ
ସୂଚନାଅନୁସାରେ, ପଦ୍ମାଗିରୀ ନାମକ ଜଣେ ବ୍ୟକ୍ତି 20 ହଜାର ଟଙ୍କାରେ ସରକାରୀ ଜମିକୁ ନିଜ ଜମି ବୋଲି କହି ଜାଇ ସ୍ବାଇଁଙ୍କୁ ବିକ୍ରି କରିଥିଲେ । ତେବେ ଗତ ପ୍ରାୟ ତିନି ମାସ ହେବ ସେଠାର ଏକ କୁଡିଆ କରି ଜାଇ ସ୍ବାଇଁ ରହି ଆସୁଥିଲେ । ହେଲେ ଏବେ ପୌର ପରିଷଦ ଜାଇ ସ୍ବାଇଁଙ୍କୁ ଏହା ସରକାରୀ ଯାଗା ବୋଲି ଉଚ୍ଛେଦ କରିବା ପାଇଁ ନୋଟିସ ଦେବା ପରେ ଜାଇ ଓ ପଦ୍ମାଙ୍କ ଭିତରେ ପାଟି ତୁଣ୍ଡ ହୋଇଥିଲା । ଜାଇ ନିଜ ଟଙ୍କା ଫେରସ୍ତ କରିବା ପାଇଁ ପଦ୍ମାଙ୍କୁ କହିବାରୁ ପଦ୍ମା ଓ ତାଙ୍କ ଝିଅମାନେ ପୀଡିତା ଜାଇକୁ ଆକ୍ରମଣ କରିଥିବା ଥାନାରେ ଅଭିଯୋଗ ହୋଇଛି ।