ସୁବର୍ଣ୍ଣପୁର: ରାଷ୍ଟ୍ରୀୟ ମଜଦୂର କଂଗ୍ରେସ ସହ ଥିବା ଶ୍ରମିକ ସଂଗଠନଗୁଡ଼ିକ ପକ୍ଷରୁ ବିଭିନ୍ନ ଦାବି ନେଇ ସୁବର୍ଣ୍ଣପୁର ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ଧାରଣା ଦିଆ ହୋଇଛି । ଏହି ଧରଣା ତିନି ଦିନ ଧରି ଚାଲିବ ବୋଲି କହିଛନ୍ତି ଆନ୍ଦୋଳନକାରୀ ।
ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ଶ୍ରମିକ ସଂଗଠନର ଧାରଣା
ବିଭିନ୍ନ ଜିଲ୍ଲା ଶ୍ରମ କମିଶନର ଓ ଜିଲ୍ଲାପାଳଙ୍କ ପାଖରେ ଦୀର୍ଘଦିନ ଧରି ପଡ଼ି ରହିଥିବା ମୃତ୍ୟୁ ଜନିତ କ୍ଷତିପୂରଣ, ସାଇକେଲ ଓ ନିରାପତ୍ତା ସାମଗ୍ରୀ ସମେତ ଅନ୍ୟାନ୍ୟ ସହାୟତା ତୁରନ୍ତ ପ୍ରଦାନ, ନିର୍ମାଣ ଶ୍ରମିକମାନଙ୍କୁ ଭବିଷ୍ୟନିଧି ଓ ରାଷ୍ଟ୍ରୀୟ ସ୍ବାସ୍ଥ୍ୟ ବୀମା ନିଗମରେ ସାମିଲ କରିବା , ସମସ୍ତ ନିର୍ମାଣ ପ୍ରୋଜେକ୍ଟରେ କାର୍ଯ୍ୟ କରୁଥିବା ଶ୍ରମିକ ନିର୍ମାଣ ଶ୍ରମିକ ବୋର୍ଡ଼ର ରେଜିଷ୍ଟ୍ରସନ ବାଧ୍ୟତାମୂଳକ କରିବା,ରାଜ୍ୟରେ ବିଦ୍ୟୁତ ଶୁଳ୍କ ବୃଦ୍ଧି,କେନ୍ଦ୍ର ସରକାରଙ୍କ ସରକାରୀ ଉଦ୍ୟୋଗ ଘରୋଇକରଣ ଉଦ୍ୟମ, ଶ୍ରମିକ,କୃଷକ ଓ କର୍ମଚାରୀ ବିରୋଧୀ ନିତି ବିରୁଦ୍ଧରେ ଆନ୍ଦେଳନ ଆରମ୍ଭ ହୋଇଛି ।