ସୁବର୍ଣ୍ଣପୁର: ନାବାଳିକା ନିଖୋଜକୁ ନେଇ ଥାନା ଘେରିଲେ ପରିବାର ଲୋକଙ୍କ ସମେତ ବାସିନ୍ଦା ସୁରକ୍ଷା ମଞ୍ଚ । ଗତ 12 ଦିନ ହେବ ନାବାଳିକା ଜଣକ ନିଖୋଜ ହୋଇଯାଇଥିଲେ ସୁଦ୍ଧା କୌଣସି ଖୋଜ ଖବର ନ ମିଳିବାରୁ ପୋଲିସର ପାରଦର୍ଶିତା ଉପରେ ପ୍ରଶ୍ନବାଚୀ ସୃଷ୍ଟି କରିଛି ।
ସୂଚନା ଅନୁଯାୟୀ ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଥାନା ଅନ୍ତର୍ଗତ ମୁର୍ଷୁଣ୍ଢି ଗ୍ରାମର ସୁରେନ୍ଦ୍ର ସନ୍ୟାସୀଙ୍କ ୧୭ ବର୍ଷିୟ ଝିଅ ଗତ ୧୧ ତାରିଖରୁ କେଉଁଆଡେ ନିଖୋଜ ହୋଇଯାଇଛନ୍ତି । ଏନେଇ ବୀରମହାରାଜପୁର ଥାନାରେ ୧୧ ତାରିଖରେ ଲିଖିତ ଅଭିଯୋଗ କରିଥିଲେ ଝିଅର ବାପା । ହେଲେ ବାର ଦିନ ବିତିଯାଇଥିଲେ ସୁଦ୍ଧା ପୋଲିସ ପକ୍ଷରୁ କୌଣସି ପ୍ରକାର ପଦକ୍ଷେପ ନିଆଯାଇ ନଥିବା ଅଭିଯୋଗ ହୋଇଛି । ଏହାର ପ୍ରତିବାଦରେ ବସ୍ତି ବାସିନ୍ଦା ସୁରକ୍ଷା ମଞ୍ଚ ପକ୍ଷରୁ ଗତ ଶୁକ୍ରବାର ଥାନା ଘେରାଓ କରାଯାଇଥିଲା । ୩ ଦିନ ଭିତରେ ନାବାଳିକାକୁ ପୋଲିସ ଖୋଜି ନ ଆଣିଲେ ଥାନା ଆଗରେ ଧାରଣା ଦେବେ ବୋଲି ମଞ୍ଚ ପକ୍ଷରୁ ଚେତାବନି ମଧ୍ୟ ଦିଆଯାଇଥିଲା ।
ସୁବର୍ଣ୍ଣପୁର ନାବାଳିକା ନିଖୋଜ ଘଟଣା: ବୀରମହାରାଜପୁର ଥାନା ଘେରାଉ