ସୁବର୍ଣ୍ଣପୁର :ଆଉ ଦିନକ ପରେ ରାଜ୍ୟରେ ପଞ୍ଚାୟତ ନିର୍ବାଚନ । ହେଲେ ଚଳିତ ନିର୍ବାଚନରେ କିଛି ସ୍ଥାନରେ ପ୍ରାର୍ଥୀମାନେ ଭୋଟରମାନଙ୍କ ପାଖକୁ ନ ଯାଇ ପ୍ରତିଦ୍ବନ୍ଦୀ ପ୍ରାର୍ଥୀଙ୍କୁ କିଣା ଯାଉଥିବା ଅଭିଯୋଗ ହୋଇଛି । ଏଭଳି ଅଭିଯୋଗ ଆସିଛି ସୁବର୍ଣ୍ଣପୁରର ଏକାଧିକ ପଞ୍ଚାୟତରୁ ।
ନିର୍ବାଚନ ପୂର୍ବରୁ ପ୍ରାର୍ଥୀ କିଣାବିକା ଗଣତନ୍ତ୍ର ପାଇଁ ବିପଦ : ରାଜନୈତିକ ସମୀକ୍ଷକ ଫଳରେ ଅପ୍ରତିଦ୍ବନ୍ଦୀ ଭାବେ ନିର୍ବାଚିତରେ ବିଜୟ ଲାଭ କରୁଛନ୍ତି କିଛି ପ୍ରାର୍ଥୀ । ଯାହା ଗଣତନ୍ତ୍ର ପାଇଁ ବିପଦ ସୃଷ୍ଟି କରିଛି ବୋଲି ରାଜନୈତିକ ସମୀକ୍ଷକ କହିଛନ୍ତି । ବିଶେଷକରି ପଞ୍ଚାୟତର ସରପଞ୍ଚ , ସମିତି ସଭ୍ୟ ଓ ୱାର୍ଡ ମେମ୍ବର ପଦବୀ ପାଇଁ ଏଭଳି ପ୍ରାର୍ଥୀ କିଣାବିକା ଚାଲିଛି ।
ଏହାବି ପଢନ୍ତୁ :Panchayat Election: ମତଦାନ ପାଇଁ କର୍ମଚାରୀଙ୍କୁ ମିଳିବ ସବେତନ ଛୁଟି, ନିର୍ଦ୍ଦେଶ ଦେଲା ଶ୍ରମ ବିଭାଗ
ଯାହାକୁ ପ୍ରମାଣ କରିବା ସେତେଟା ସହଜ ବି ନୁହେଁ । ତେବେ ଅନେକ ଗ୍ରାମ ପଞ୍ଚାୟତରେ ପ୍ରାର୍ଥୀମାନେ ପ୍ରତିଦ୍ବନ୍ଦିତା କରି ନିଜେ କିଣା ହୋଇ ସାରିବା ପରେ ଧନୀକ ଶ୍ରେଣୀର ପ୍ରାର୍ଥୀଙ୍କ ସହିତ ଭୋଟ ପ୍ରଚାର କରୁଥିବା ଦେଖିବାକୁ ମିଳିଛି । ଏକା ଥରକେ ଦୁଇ ତିନୋଟି ପ୍ରାର୍ଥୀ ପ୍ରଚାର କରୁଥିବା ବେଳେ ଗୋଟିଏ ଚିହ୍ନରେ ଭୋଟ ଦେବା ପାଇଁ ଭୋଟରଙ୍କୁ ଆକୃଷ୍ଟ କରୁଛନ୍ତି । ତେବେ ଏଥିପ୍ରତି ଜିଲ୍ଲା ପ୍ରଶାସନ ଓ ନିର୍ବାଚନ ପରିଚାଳନା ଦାୟିତ୍ବରେ ଥିବା ଅଧିକାରୀ ଯତ୍ନବାନ ହେବା ଜରୁରୀ ହୋଇ ପଡିଛି ବୋଲି ମତ ପ୍ରକାଶ ପାଉଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
