ପୋଲିସ ଭ୍ୟାନ ଧକ୍କାରେ 2 ମୃତ୍ୟୁ ଘଟଣା: ଡ୍ରାଇଭର ଗିରଫ

ସୁବର୍ଣ୍ଣପୁର ଜିଲ୍ଲାର ଅର୍ଜୁନପୁର ନିକଟରେ ଘଟିଥିବା ପୋଲିସ ଭ୍ୟାନ-ବାଇକ ଦୁର୍ଘଟଣାରେ ଗାଡିର ଡ୍ରାଇଭରକୁ ପୋଲିସ ଗିରଫ କରିଛି ।

ସୁବର୍ଣ୍ଣପୁର: ଅର୍ଜୁନପୁର ନିକଟରେ ଘଟିଥିବା ପୋଲିସ ଭ୍ୟାନ-ବାଇକ ଦୁର୍ଘଟଣାରେ ଗାଡିର ଡ୍ରାଇଭର ବବୁଲୁ ସେଠୀକୁ ପୋଲିସ ଗିରଫ କରିଛି । ଏହି ଦୁର୍ଘଟଣାରେ ଦୁଇ ଜଣ ପ୍ରାଣ ହରାଇଥିଲେ ।

ସୂଚନାଯୋଗ୍ୟ, ସିନ୍ଧିସରା ଗାଁର ଜଳନ୍ଧର ମଲ୍ଲିକ ନିଜ ନାତି ଦେବେନ୍ଦ୍ର ମଲ୍ଲିକଙ୍କ ନାମ ଲେଖାଇବାକୁ ସୋନପୁର ମହାବିଦ୍ୟାଳୟକୁ ମୋଟର ସାଇକେଲ ଯୋଗେ ଯାଉଥିଲେ । ସେହି ସମୟରେ ସୋନପୁର ଜେଲରୁ କଏଦୀମାନଙ୍କୁ ନେଇ ରାମପୁର କୋର୍ଟକୁ ଯାଉଥିବା ପୋଲିସ ଭ୍ୟାନ ସେମାନଙ୍କୁ ଧକ୍କା ଦେଇଥିଲା । ଫଳରେ ସେଠାରେ ଉଭୟଙ୍କ ମୃତ୍ୟୁ ଘଟିଥିଲା । ଯାହାକୁ ନେଇ ସେଠାରେ ତୀବ୍ର ପ୍ରତିକ୍ରିୟା ଦେଖିବାକୁ ମିଳିଥିଲା ।

ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ