ସୁବର୍ଣ୍ଣପୁର: ଜିଲ୍ଲାରେ ପାଳନ ହେଲା ପଞ୍ଚାୟତିରାଜ ଦିବସ । ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଜିଲ୍ଲାସ୍ତରୀୟ ପଞ୍ଚାୟତିରାଜ ଦିବସ ପାଳିତ ହୋଇଯାଇଛି।
ସୁବର୍ଣ୍ଣପୁରେ ଜିଲ୍ଲାରେ ପାଳନ ହେଲା ' ପଞ୍ଚାୟତିରାଜ ଦିବସ '
ଜିଲ୍ଲା ପରିଷଦ ଅଧ୍ୟକ୍ଷା ଉଷା କୁମାରୀଙ୍କ ପୌରହିତ୍ୟରେ ଆୟୋଜିତ ଏହି ବୈଠକରେ ଅତିରିକ୍ତ ଜିଲ୍ଲାପାଳ ସୂର୍ଯ୍ୟ ନାରାୟଣ ଦାସ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ତୃଣମୂଳ ସ୍ତରରେ ହିତାଧିକାରୀ ମାନଙ୍କୁ ସରକାରୀ ଯୋଜନାରେ ସାମିଲ କରିବା ପାଇଁ ଉଭୟ ପ୍ରଶାସନିକ ଓ ରାଜନୈତିକ ସ୍ତରରେ ମିଳିତ ଭାବେ ଉଦ୍ୟମ ହେବା ଆବଶ୍ୟକ ବୋଲି କହିଥିଲେ। ନିଷ୍ଠାର ସହିତ ସରକାରୀ କର୍ମଚାରୀମାନେ କାର୍ଯ୍ୟ କଲେ ହିତାଧିକାରୀ ମାନେ ସୁଫଳ ପାଇବା ସହିତ ଯୋଜନାର ସଫଳ ରୂପାୟନ ହୋଇ ପାରିବ ବୋଲି କହିଥିଲେ।