ବାଇକରୁ ଖସିପଡି ଚାଳକ ମୃତ

ସୁବର୍ଣ୍ଣପୁର ଜିଲ୍ଲା ବିରମହାରାଜପୁର ଦୂରଦୁରା ନିକଟର ବାଇକରୁ ଖସିପଡି ବାଇକ ଚାଳକଙ୍କର ମୃତ୍ୟୁ ହୋଇଛି । ଅଧିକ ପଢନ୍ତୁ...

ସୁବର୍ଣ୍ଣପୁର:ବାଇକରୁ ଭାରସାମ୍ୟ ହରାଇ ଚାଳକ ମୃତ । ସୁବର୍ଣ୍ଣପୁର ଜିଲ୍ଲା ବିରମହାରାଜପୁର ଦୂରଦୁରା ନିକଟର ବାଇକରୁ ଖସିପଡି ବାଇକ ଚାଳକଙ୍କର ମୃତ୍ୟୁ ହୋଇଛି ।

ସୂଚନାଅନୁସାରେ,ବିରମହରାଜପୁର ଉପଖଣ୍ଡ ଲିମ୍ବପାଲି ଗାଁର ସତ୍ୟ ନାରାୟଣ ପାତ୍ର ବାଇକରେ ବୌଦ୍ଧ ସହରରୁ ନିଜ ଗାଁକୁ ଫେରୁଥିଲେ । ସେହି ସମୟରେ ଦୂରଦୂରା ଛକ ନିକଟରେ ବାଇକରୁ ଭାରସାମ୍ୟ ହରାଇ ଖସି ପଡିଥିଲେ । ଏହା ପରେ ତାଙ୍କୁ ସ୍ଥାନୀୟ ଲୋକ ଗୁରୁତର ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ ।

ଡାକ୍ତରଖାନାରେ ତାଙ୍କ ସ୍ବାସ୍ଥ୍ୟବସ୍ଥା ପରୀକ୍ଷା କରାଯିବା ପରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ସଂନ୍ଧ୍ୟା ହୋଇଯିବାକୁ ସତ୍ୟ ନାରାୟଣଙ୍କ ମୃତଦେହକୁ ଡାକ୍ତରଖାନାରେ ରଖାଯାଇଛି । ଆଜି ମୃତଦେହ ବ୍ୟବଚ୍ଛେଦ କରାଯିବା ପରେ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ଜଣାପଡିଛି ।

ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା ,ଇଟିଭି ଭାରତ