ଜଙ୍ଗଲରେ ନିଆଁ ଲଗାଇ ଜଣେ ଗିରଫ

ସୁବର୍ଣ୍ଣପୁର ବନଖଣ୍ଡ ଉଲୁଣ୍ଡା ବନାଞ୍ଚଳ ଖରାପୁରା ସେକ୍ସନ ସିଂହାସନ ସଂରକ୍ଷିତ ଜଙ୍ଗଲରେ ନିଆଁ ଲଗାଉଥିବା ବେଳେ ବନ ବିଭାଗ ଚଢାଉ କରି ଜଣେ ଯୁବକକୁ ଗିରଫ କରିଛି । ଅଧିକ ପଢନ୍ତୁ...

ସୁବର୍ଣ୍ଣପୁର: ଜଙ୍ଗଲରେ ନିଆଁ ଲଗାଇ ବନ୍ଧା ହେଲେ ଜଣେ ଯୁବକ । ଜିଲ୍ଲା ବନଖଣ୍ଡ ଉଲୁଣ୍ଡା ବଞ୍ଚାଚଳ ଖରାପୁରା ସେକ୍ସନ ସିଂହାସନ ସଂରକ୍ଷିତ ଜଙ୍ଗଲରେ ନିଆଁ ଲଗାଉଥିବା ବେଳେ ବନ ବିଭାଗ ଚଢାଉ କରି ଜଣେ ଯୁବକକୁ ଗିରଫ କରିବା ସହିତ କୋର୍ଟଚାଲାଣ କରିଛି ।

ଅଭିଯୁକ୍ତର ଜାମିନ ମଞ୍ଜୁର ନହେବାରୁ ତାକୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି । ଗିରଫ ଅଭିଯୁକ୍ତ ଜଣକ ଶୁଲିଆ ଗ୍ରାମର 44 ବର୍ଷୀୟ ହରିହର ମହନ୍ତ ବୋଲି ସୂଚନା ମିଳିଛି । ଅଭିଯୁକ୍ତ ନିକଟରୁ ମାଚିସ ପ୍ୟାକେଟ ଓ ଏକ ଟାଙ୍ଗିଆ ଜବତ କରାଯାଇଛି ।

ବନପାଳ ଦିନେଶ କୁମାର ମାଝୀ, ସମେତ ବନ କର୍ମଚାରୀ ପଦ୍ମଲୋଚନ ଭୋଇ, ରୋହିତ ଗହିର, ବିରମଣୀ ବଗର୍ତୀ ପ୍ରମୁଖ ପାଟ୍ରୋଲିଂ କରୁଥିବା ବେଳେ ହରିହର ଜଙ୍ଗଲରେ ନିଆଁ ଲଗାଉଥିବା ଦେଖିବାକୁ ପାଇଥିଲେ । ନିଆଁ ଲଗାଇବା ଅଭିଯୋଗରେ ହରିହରକୁ ଗିରଫ କରାଯାଇଥିବା ବନବିଭାଗ ପକ୍ଷରୁ ସୂଚନା ମିଳିଛି ।

ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ