ଫେରୁଛନ୍ତି ଚାଷୀ; କୃଷି ବିଭାଗ ଅଫିସ ଖୋଲା, ଚୌକି ଖାଲି

ସୁବର୍ଣ୍ଣପୁର ଜିଲ୍ଲା କୃଷି ବିଭାଗୀୟ ଅଧିକାରୀ ଓ କର୍ମଚାରୀଙ୍କ ପଡିଛି ମରୁଡି । ଜିଲ୍ଲା କୃଷି ବିଭାଗର ମୁଖ୍ୟ ଉପ କୃଷି ନିର୍ଦ୍ଦେଶକଙ୍କ ପଦବୀ ଖାଲି ପଡିଥିବା ବେଳେ ଜିଲ୍ଲାରେ ତୁରନ୍ତ କୃଷି ବିଭାଗର ପଦବୀ ପୂରଣ ପାଇଁ ଚାଷୀ ମହଲରେ ଦାବି ହେଉଛି । ଅଧିକ ପଢନ୍ତୁ...

ସୁବର୍ଣ୍ଣପୁର: ଅଫିସ ଖୋଲା ହେଲେ ଚୌକି ଖାଲି । ସୁବର୍ଣ୍ଣପୁର ଜିଲ୍ଲା କୃଷି ବିଭାଗରେ ବିଭାଗୀୟ ଅଧିକାରୀ ଓ କର୍ମଚାରୀଙ୍କ ପଡିଛି ମରୁଡି । ଜିଲ୍ଲା କୃଷି ବିଭାଗର ମୁଖ୍ୟ ଉପ କୃଷି ନିର୍ଦେଶକଙ୍କ ପଦବୀ ଖାଲି ପଡିଥିବା ବେଳେ ସଦର ମହକୁମା ଓ ବିରମହରାଜପୁର କୃଷି ଅଧିକାରୀ ପଦବୀ ଦୁଇଟି ବି ଖାଲି ପଡ଼ିଛି । ସେହିପରି ପ୍ରାୟ 35ରୁ ଅଧିକ କୃଷି ଗ୍ରାମ ସେବକ ପଦବୀ ଦୀର୍ଘ ଦିନରୁ ଖାଲି ପଡିଥିବା ଦେଖିବାକୁ ମିଳିଛି ।

ତେବେ ଚଳିତ ଖରିଫ ଋତୁରେ ରୋଗପୋକ ଚାଷୀଙ୍କ ଉପରେ ଦାଉ ସାଧୁଥିବା ବେଳେ ସାଧାରଣ କୃଷକଙ୍କୁ ପରାମର୍ଶ ଦେବାକୁ ଗାଁ ଗହଳି ସ୍ତରରେ କୃଷି କର୍ମଚାରୀ ନାହାଁନ୍ତି । ଏପରିକି ଚାଷୀଙ୍କ କ୍ଷୟକ୍ଷତିର ଆକଳନ ପାଇଁ କୃଷି କର୍ମଚାରୀ ନାହାଁନ୍ତି । ତେବେ କୃଷି ବହୁଳ ଏହି ଜିଲ୍ଲାରେ ତୁରନ୍ତ କୃଷି ବିଭାଗର ପଦବୀ ପୂରଣ କରିବାକୁ ଚାଷୀ ମହଲରେ ଦାବି ହେଉଛି ।

ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ