ସୁବର୍ଣ୍ଣପୁର: ଆଜି ପଶ୍ଚିମ ଓଡିଶାର ଗଣ ପର୍ଵ ନୂଆଁଖାଇ । ପ୍ରତିବର୍ଷ ପରି ଏଥର ଭାଦ୍ରବ ଋଷି ପଞ୍ଚମୀ ଶୁକ୍ଲପକ୍ଷ ତୁଲା ଲଗ୍ନ ନବାଂଶରେ ସକାଳ ଅମୃତ ଲଗ୍ନ ୯ଘଣ୍ଟା ୩୦ମିନିଟରୁ ୯ଘଣ୍ଟା ୪୪ମିନିଟ୍ ମଧ୍ୟରେ ସୋନପୁର ଗଡଜାତର ଇଷ୍ଟ ଦେବୀ ମା ସୁରେଶ୍ୱରୀଙ୍କ ପାଖରେ ନବାନ୍ନ ସମର୍ପଣ କରାଯାଇଛି।
ଗଣପର୍ଵ ନୂଆଁଖାଇ, ମା’ ସୁରେଶ୍ୱରୀଙ୍କୁ ନବାନ୍ନ ସମର୍ପଣ
ପୂର୍ବ ନିର୍ଧାରିତ ଲଗ୍ନ ଅନୁଯାୟୀ ଆନନ୍ଦ ଉଲ୍ଲାସର ସହିତ ସୋନପୁର ଗଡଜାତବାସୀ ନବାର୍ଣ୍ଣ ପାଳନ କରିଛନ୍ତି। ଏଥିସହ ରାଜରାଜୁଡା ଅମଳରୁ ସୁବର୍ଣ୍ଣପୁରର ଅଧିଷ୍ଠାତ୍ରୀ ଦେବୀ ସୁରେଶ୍ବରୀ ଓ ଅନ୍ୟାନ୍ୟ ଦେବାଦେବୀଙ୍କ ପାଖକୁ ସମଲେଶ୍ବରୀ ମନ୍ଦିରରୁ ପାହୁର୍ ଭୋଗ ମଧ୍ୟ ଠିକ ସମୟରେ ପହଁଞ୍ଚିଛି। ପରମ୍ପରା କ୍ରମେ ଗଡଜାତର ଲୋକଦେବୀ ସୁରେଶ୍ବରୀଙ୍କ ନାମରେ ଗଣନା କରି ଏହି ନବାନ୍ନ ଲଗ୍ନ ସ୍ଥିର ହୋଇଥିଲା ।