ସୁବର୍ଣ୍ଣପୁର: ସୋନପୁର ଗଡଜାତ ଓ ବୌଦ୍ଧ ଜିଲ୍ଲାର ପଞ୍ଚରା ଅଞ୍ଚଳ ପାଇଁ ଆଗାମୀ ନୂଆଖାଇ ପାଳନ କରିବାକୁ ଲଗ୍ନ ହେଲା ନିର୍ଣ୍ଣୟ । ଗତକାଲି(ମଙ୍ଗଳବାର) ନନ୍ଦୋତ୍ସବ ଦିବସର ସନ୍ଧ୍ୟାରେ ପରମ୍ପରା ଅନୁଯାୟୀ ସହରର ଶ୍ରୀବଡ ଜଗନ୍ନାଥଙ୍କ ମଣ୍ଡପରେ ପଣ୍ଡିତ ମହାସଭା ବସି ଲଗ୍ନ ନିର୍ଦ୍ଧାରଣ କରିଛନ୍ତି ।
ସୋନପୁର ଗଡଜାତ ପାଇଁ ନବାର୍ଣ୍ଣ ଲଗ୍ନ ନିର୍ଣ୍ଣୟ, ଆଗାମୀ 11ରେ ନବାର୍ଣ୍ଣ ପର୍ବ ପାଳନ
ଇଷ୍ଟଦେବୀ ମା ସୁରେଶ୍ବରୀଙ୍କ ନାଁରେ ଆଦ୍ୟ ଅକ୍ଷର ସ ଶତଭୀଶା ନକ୍ଷତ୍ରେ କୁମ୍ଭରାଶୀକୁ ନେଇ ଆଗାମୀ ସେପ୍ଟେମ୍ବର ମାସ 11 ତାରିଖରେ ନବାନ୍ନ ପର୍ବ ପାଳନ କରିବା ପାଇଁ ନିଷ୍ପତ୍ତି ଗ୍ରହଣ କରାଯାଇଛି । ଶୁକ୍ଲ ପଞ୍ଚମୀ ତିଥି ଶନିବାର ଋଷୀପଞ୍ଚମୀ ଦିନ ସ୍ବାତୀ ନକ୍ଷତ୍ରେ, ଚନ୍ଦ୍ରଶୀତ ରାଶି ତୁଳା ଲଗ୍ନେ ସକାଳ 9 ଘଣ୍ଟିକାରୁ 9 ଟା 45 ମିନିଟ ମଧ୍ୟେ ଗଡଜାତର ଅନ୍ୟତମ ଦେବୀ ପୀଠ ମା’ ସମଲେଶ୍ବରୀ ମନ୍ଦିରରୁ ଅଷ୍ଟଚଣ୍ଡୀଙ୍କ ପୀଠକୁ ପାହୁର (ନବାର୍ଣ୍ଣ ଓ ଭୋଗ ଖଞ୍ଜା) ଯିବା ପାଇଁ ପଣ୍ଡିତ ମହାସଭା ଲଗ୍ନ ନିର୍ଣ୍ଣୟ କରିଛନ୍ତି ।