ସୁବର୍ଣ୍ଣପୁର: ଜିଲ୍ଲା କଂଗ୍ରେସ କମିଟି ପକ୍ଷରୁ ପ୍ରୋଗ୍ରେସ ଇନ ସମ୍ମିଳନୀ କକ୍ଷରେ ଏକ ସାଙ୍ଗଠନିକ ସଭା ଆୟୋଜିତ ହୋଇଯାଇଛି । ନୂତନ ଜିଲ୍ଲା ସଭାପତି ଗୌରୀଶ୍ୟାମ ପଣ୍ଡାଙ୍କୁ ଏହି ସଭାରେ ସମ୍ବର୍ଦ୍ଧିତ କରାଯାଇଥିଲା । ସଭାପତି ନୂତନ ଭାବେ ଦାୟିତ୍ବ ଗ୍ରହଣ କରିବା ପରେ ଆଜି(ରବିବାର) ପ୍ରଥମ ଥର ପାଇଁ କଂଗ୍ରେସ ସଭାର ଆୟୋଜନ କରାଯାଇଥିଲା ।
ସୁବର୍ଣ୍ଣପୁରରେ ନୂତନ କଂଗ୍ରେସ ଜିଲ୍ଲା ସଭାପତି ସମ୍ବର୍ଦ୍ଧିତ
ଜିଲ୍ଲା ନଗର କଂଗ୍ରେସ ସଭାପତି ସୁଧୀର ପଣ୍ଡା ସଭାପତିଙ୍କୁ ସ୍ବାଗତ କରିବା ସହିତ ଦଳକୁ ଜିଲ୍ଲାରେ ମଜଭୁତ କରିବା ପାଇଁ ଅନୁରୋଧ କରିଥିଲେ । ଜିଲ୍ଲା ସଭାପତି ଗୌରୀଶ୍ୟାମ କଂଗ୍ରେସର ସମସ୍ତ କର୍ମୀଙ୍କୁ ଅଭିନନ୍ଦନ ଜଣାଇବା ସହିତ ଜିଲ୍ଲାରେ ଦଳକୁ ତୃଣମୂଳ ସ୍ତରରୁ ମଜଭୁତ କରିବା ପାଇଁ ମତଭେଦ ଦୂର କରି ନିଷ୍ଠାର ସହିତ ସଭିଏଁ ମିଳିମିଶି କାର୍ଯ୍ୟ କରିବା ପାଇଁ ଅନୁରୋଧ କରିଥିଲେ ।