ସୁବର୍ଣ୍ଣପୁର: ସହରରେ ପୁଣି ଏକ ବ୍ୟାଙ୍କ ଠକେଇ ମାମଲା ସାମ୍ନାକୁ ଆସିଛି । ସୋନପୁର ମହାବିଦ୍ୟାଳୟର ଏକ ଆକାଉଣ୍ଟରୁ ୭୦ ଲକ୍ଷ ୪୩ ହଜାର ଟଙ୍କା ଠକେଇ । ଏକ ନକଲି ଚେକ ଜରିଆରେ ଅଧ୍ୟକ୍ଷଙ୍କ ନକଲି ସ୍ବାକ୍ଷର ଦେଇ ଏହି ଠକେଇ ହୋଇଥିବା ସଦର ଥାନାରେ ଅଭିଯୋଗ ହୋଇଛି । ଜିଲ୍ଲା ଆରକ୍ଷୀ ଅଧିକ୍ଷକ ସ୍ବୟଂ ଏହି ଘଟଣାରେ ତନାଘନା କରୁଥିବା ବେଳେ ବ୍ୟାଙ୍କ ଅଫ ବରୋଦାର ଶାଖା ପରିଚାଳକ ଓ ଦୁଇ ଜଣ କର୍ମଚାରୀଙ୍କୁ ଥାନାରେ ଅଟକ ରଖି ଘଟଣାର ତଦନ୍ତ କରାଯାଉଛି ।
ଅଧକ୍ଷଙ୍କ ନକଲି ସ୍ବାକ୍ଷର ଦେଇ ସୋନପୁର ମହାବିଦ୍ୟାଳୟର ୭୦ ଲକ୍ଷରୁ ଅଧିକ ଟଙ୍କା ଠକେଇ! ସୂଚନା ଅନୁଯାୟୀ ମହାବିଦ୍ୟାଳୟ ଭିତ୍ତିଭୂମୀର ବିକାଶ ପାଇଁ ଆଇଡିପି ବିଶ୍ବବ୍ୟାଙ୍କ ଜରିଆରେ ମିଳିଥିବା ଅନୁଦାନ ସହରର ବ୍ୟାଙ୍କ ଅଫ ବରୋଦାରେ ଜମା କରାଯାଇଥିଲା । ତେବେ ଗତ ୭ ତାରିଖରେ ଏକ ନକଲି ଚେକ ଜରିଆରେ ଟଙ୍କା ଉଠାଯାଇଥିବା ମହାବିଦ୍ୟାଳୟର ଅଧ୍ୟକ୍ଷ ଅଭିଯୋଗ କରିଛନ୍ତି । ଗତକାଲି(ଗୁରୁବାର) ପାସବୁକ ଅପଡେଟ କରିବା ସମୟରେ ଠକେଇ ଘଟଣା ମହାବିଦ୍ୟାଳୟ କର୍ତ୍ତୃପକ୍ଷଙ୍କ ନଜରକୁ ଆସିଥିଲା । କଲେଜର ପୂର୍ବତନ ଅଧକ୍ଷଙ୍କ ମୋବାଇଲ ନମ୍ବର ହ୍ୟାକ କରି ଟଙ୍କା ଉଠାଯାଇଥିବା ପୋଲିସ ପ୍ରାଥମିକ ତଦନ୍ତରୁ ସନ୍ଦେହ କରୁଛି ।
ଇଟିଭି ଭାରତ, ସୁବର୍ଣ୍ଣପୁର
