ସୁବର୍ଣ୍ଣପୁର: ବର୍ଷା ପାଣିରେ ଉବୁଟୁବୁ ହେଉଛି ସହରର ରାମଜୀ ନଗର । ପୌର ପରିଷଦ ପକ୍ଷରୁ ଆଜକୁ ଆଠ ବର୍ଷ ହେବ ସଠିକ୍ ଭାବେ ଡ୍ରେନେଜ ବ୍ୟବସ୍ଥା ହୋଇ ନ ଥିବାରୁ ଏବେବି ଅଳ୍ପ ବର୍ଷା ହେଲେ ରାସ୍ତାରେ ପାଣି ଛୁଟୁଛି । ହେଲେ ପୌର ପ୍ରଶାସନ ପଡାବାସୀଙ୍କ ସମସ୍ୟା ସମାଧାନ ପାଇଁ କୌଣସି ପଦକ୍ଷେପ ନେଇ ନ ଥିବା ଅଭିଯୋଗ ହୋଇଛି । ତେବେ ଗତକାଲିର ବର୍ଷାରେ ରାସ୍ତା ଉପରେ ପାଣି ଚାଲିବା ସହିତ ଘରଭିତରକୁ ପାଣି ପଶିବାରୁ ପଡାବାସୀ ପୌର ପରିଷଦ ପାଖରେ ପାଣି ନିଷ୍କାସନ ପାଇଁ ଅନୁରୋଧ କରିଛନ୍ତି ।
ଜିଲ୍ଲାରେ ଦାଉ ସାଧିଛି ଲଘୁଚାପ ବର୍ଷା, ପାଣିରେ ଉବୁଟୁବୁ ହେଉଛି ରାମଜି ନଗର
ହେଲେ ବହୁ ବିଳମ୍ବରେ ପୌର ପରିଷଦର କାର୍ଯ୍ୟ ନିର୍ବାହୀ ଅଧିକାରୀ, ବରିଷ୍ଠ ଯନ୍ତ୍ରୀ ଓ ସଫେଇ କର୍ମଚାରୀମାନେ ପହଞ୍ଚି ଡ୍ରେନେଜ ସଫା କରିବା ସହିତ ପାଣି ନିଷ୍କାସନ ପାଇଁ ନିର୍ଦ୍ଦେଶ ଦେଇଛନ୍ତି । ତେବେ ଅଳ୍ପ ବର୍ଷାରେ ବି ପଡାର ବିଭିନ୍ନ ସ୍ଥାନରେ ପୋଖରୀ ଭଳି ପାଣି ଜମୁଥିବାରୁ ସ୍ଥାୟୀ ଡ୍ରେନେଜ ବ୍ୟବସ୍ଥା କରିବାକୁ ଅଞ୍ଚଳବାସୀ ଦାବି କରିଛନ୍ତି ।