ସୁବର୍ଣ୍ଣପୁର: କିଛି ଦିନ ତଳେ ସୁବର୍ଣ୍ଣପୁର ସହରର ବସଷ୍ଟାଣ୍ଡ ନିକଟ ଶୌଚାଳୟରୁ ଜଣେ ନାବାଳକ ଉଦ୍ଧାର ହୋଇଥିଲା । ଏହି ଘଟଣାରେ ଏକ ନୂଆ ମୋଡ ଆସିଛି । ନାବାଳକର ମାଆକୁ ହତ୍ୟା କରାଯାଇଛି । ମାଆର ଅନ୍ତିମ କ୍ରିୟାରେ ଯୋଗ ଦେବା ପରେ ତାକୁ ବୌଦ୍ଧ ଜିଲ୍ଲା ଶିଶୁ ସୁରକ୍ଷା କମିଟିକୁ ହସ୍ତାନ୍ତର କରାଯିବ ବୋଲି ଜିଲ୍ଲାପାଳଙ୍କ ପକ୍ଷରୁ ସୂଚନା ମିଳିଛି ।
ସୂଚନାଅନୁସାରେ, ସୁବର୍ଣ୍ଣପୁର ସହରର ବସଷ୍ଟାଣ୍ଡ ନିକଟ ଶୌଚାଳୟରୁ ମଧ୍ୟ ରାତ୍ରୀରେ ଜଣେ ନାବାଳକକୁ ଉଦ୍ଧାର କରିଥିଲା ଶିଶୁ ସୁରକ୍ଷା ଅଧିକାରୀ । ଏ ଘଟଣା ଏକ ନୂଆ ମୋଡ ନେଇଛି । ନାବାଳକର ମାଆ ଗୀତାଞ୍ଜଳି ମହାପାତ୍ରଙ୍କୁ ହତ୍ୟା କରାଯାଇଥିବା ଜଣାପଡିଛି । ନାବାଳକର ପ୍ରକୃତ ବାପା ପରିବାର ଛାଡି ଚାଲିଯିବା ପରେ ପଶ୍ଚିମବଙ୍ଗର ଜଣେ ବ୍ୟକ୍ତି ମୃତକ ଗୀତାଞ୍ଜଳି ଓ ତାଙ୍କ ପୁଅ ସହିତ ସୁଲିଆ ଗାଁରେ ରହି ଆସୁଥିଲେ । ଅଚାନକ କୌଣସି କାରଣରୁ ଉକ୍ତ ବ୍ୟକ୍ତି ଓ ଗୀତାଞ୍ଜଳିଙ୍କ ଭିତରେ ଝଗଡା ହେବା ପରେ ନାବାଳକର ଅନୁପସ୍ଥିତିରେ ଗୀତାଞ୍ଜଳିକୁ ବ୍ୟକ୍ତି ଜଣକ ହତ୍ୟାକରି ଖଟ ତଳେ ଲୁଚାଇ ରଖିଥିବା ଜଣାପଡିଛି । ଏହା ପରେ ବାଳକଟିକୁ ବ୍ୟକ୍ତି ଜଣକ ଆଣି ସୁବର୍ଣ୍ଣପୁର ସହରର ବସଷ୍ଟାଣ୍ଡ ନିକଟରେ ଛାଡି ଫେରାର ହୋଇଯାଇଛି । ଅଭିଯୁକ୍ତକୁ ଧରିବାକୁ ପୋଲିସର ତଦନ୍ତ ଆରମ୍ଭ ହୋଇଛି ।