ସୁବର୍ଣ୍ଣପୁର: ଦୁଇ ଷଣ୍ଢ ଲଢେଇ ମଧ୍ୟରେ ଗୋଟିଏ ଷଣ୍ଢ ଖସିପଡିଲା ଏକ ସିମେଣ୍ଟ ଟାଙ୍କିରେ । ସହରାଞ୍ଚଳ ଜଳ ଯୋଗାଣ ବିଭାଗ ପକ୍ଷରୁ ତିଆରି ପାଇପ ଲାଇନରେ ଏଭଳି ଘଟଣା ଘଟିଛି । ପ୍ରାୟ 4 ଫୁଟ ତଳେ ଥିବା ଲୁହା ପାଇପ ତଳେ ଷଣ୍ଢର ଗୋଟିଏ ଗୋଡ଼ ଫସିଯାଇଥିଲା । ସ୍ବେଚ୍ଛାସେବୀମାନେ ଷଣ୍ଢକୁ ବାହର କରିବା ପାଇଁ ଫେଲ ମାରିବା ପରେ ଦମକଳ ବାହିନୀକୁ ଖବର ଦିଆଗଲା ।
ଜଳଯୋଗାଣ ବିଭାଗର ବେପାରୁଆ ମନୋଭାବ ପାଇଁ ପାଣି ଟାଙ୍କିରେ ପଡି ଯାଉଛି ଅନେକ ଜୀବନ
ଅନେକ ବିଳମ୍ବ ପରେ ଘଟଣାସ୍ଥଳକୁ ପହଞ୍ଚି ଥିଲା ଦମକଳ ବାହିନୀ । ଷଣ୍ଢକୁ ସେଠାରୁ ବାହାରକୁ ଆଣିବାକୁ ଚେଷ୍ଟା କରାଗଲା । ଷଣ୍ଢଟି ଅନେକ ଚିତ୍କାର କରିବା ପରେ ହାଲିଆ ହୋଇ ପଡ଼ିଥିଲା । ଷଣ୍ଢଟି ଖାଲରେ ପଡି ଉଠି ନ ପାରି ଯେତିକି କଷ୍ଟ ପାଇଛି ଷଣ୍ଢକୁ ଖାଲରୁ ବାହାର କରିବା ପାଇଁ ଅଗ୍ନିଶମ କର୍ମଚାରୀ ଓ ସ୍ବେଚ୍ଛାସେବୀ ମାନେ ସେତିକି କଷ୍ଟ କରିଛନ୍ତି ।