ସୁବର୍ଣ୍ଣପୁର: ପୂଜା ନାଁରେ ଦିନ ଦ୍ବିପ୍ରହରରେ ଠକେଇ ଘଟଣା । ସମ୍ପୃକ୍ତ ଘଟଣାରେ ଅଭିଯୁକ୍ତକୁ ଗିରଫ କରିବାରେ ସଫଳ ହୋଇଛି ସୁବର୍ଣ୍ଣପୁର ଜିଲ୍ଲା ଟାଉନ ଥାନା ପୋଲିସ । ସୂଚନା ଅନୁଯାୟୀ ହରଡଖୋଲ ଗାଁର ସୁକଦେବ କର୍ଣ୍ଣଙ୍କ ଘରେ ଜଣେ ପୂଜକ ପୂଜା କରି ଟଙ୍କା ଓ ସୁନା ଗହଣା ଠକେଇ କରିଥିଲା । ବଲାଙ୍ଗୀର ଜିଲ୍ଲାର ଲୋଇସିଂହା ଥାନା ଅନ୍ତର୍ଗତ କେନ୍ଦୁମୁଣ୍ଡା ଗାଁର ପ୍ରଦୀପ ନାଏକ ଏହି ଠକେଇ କରିଥିବା ଜଣାପଡିଥିଲା ।
ପୂଜା ନାଁରେ ଠକେଇ, 10 ଦିନ ପରେ ଅଭିଯୁକ୍ତ ଗିରଫ
ତେବେ ଅଭିଯୋଗକାରୀଙ୍କ ଘରେ ଗଣ୍ଡଗୋଳ ଲାଗି ରହିଥିବାରୁ ଅଭିଯୁକ୍ତ ପ୍ରାୟ 20 ଦିନ ରହି ପୂଜାର୍ଚ୍ଚନା କରିଥିଲା । ଶେଷରେ ସୁବର୍ଣ୍ଣପୁର ରାମେଶ୍ବର ମନ୍ଦିରରେ ଘରେ ଥିବା 6 ଭରି ସୁନା ଗହଣା ଓ 1 ଲକ୍ଷ 20 ହଜାର ଟଙ୍କା ଥୋଇ ପୂଜା କରିଥିଲା । ପରେ ସୁଯୋଗ ନେଇ ପୂଜା ହୋଇଥିବା ସମସ୍ତ ସୁନା ଗହଣା ଓ ଟଙ୍କା ଧରି ଚମ୍ପଟ ମାରିଥିଲା ଠକ ପ୍ରଦୀପ।