ସୁବର୍ଣ୍ଣପୁର: ସହରରେ ଦିନକୁ ଦିନ ବୃଦ୍ଧି ପାଇବାରେ ଲାଗିଛି ଚୋରି ଲୁଟପାଟ । ତେବେ ଏହାକୁ ରୋକିବାରେ ପୋଲିସ ବିଫଳ ହୋଇଥିବା ଅଭିଯୋଗ କରିଛନ୍ତି ସହରବାସୀ । ଲୋକେ ନିରାଶ ହୋଇ ଫେରୁଥିବା ବେଳେ ଅସନ୍ତୋଷ ବୃଦ୍ଧି ପାଉଛି ।
ଚୋରି ରୋକିବାରେ ବିଫଳ ପୋଲିସ, ଜନ ଅସନ୍ତୋଷ ବୃଦ୍ଧି
ସୂଚନାଅନୁସାରେ, ସହରରେ ଆଖି ପିଛୁଳାକେ ଛୋଟ ଛୋଟ ଚୋରି ହେଉଛି । କିଛି ଲୋକ ଚୋରି ଜିନିଷ ଉଦ୍ଧାର ପାଇଁ ପୋଲିସ ପାଖକୁ ଯାଉଥିବା ବେଳେ ଜିନିଷ ଉଦ୍ଧାର ହେବ ନାହିଁ ବୋଲି ଭାବୁଥିବା ଲୋକେ ନିରାଶରେ ଘରକୁ ଯାଉଛନ୍ତି । ସାପ୍ତାହିକ ବଜାର, ଦୈନିକ ବଜାର ଓ ବ୍ୟାଙ୍କ ଗୁଡିକ ସାମ୍ନାରେ ଚୋରି ଓ ଲୁଟ ବୃଦ୍ଧି ପାଉଥିବା ଅଭିଯୋଗ ହେଉଛି । ମୋଟର ସାଇକେଲ, ମୋବାଇଲ, ସାଇକେଲ ଆଦି ବଜାର ଗୁଡିକରୁ ଚୋରି ହେଉଥିବା ବେଳେ ପକେଟମାର ବି ହେଉଛି । ବାହାର ଜିଲ୍ଲାରୁ ଦୁର୍ବୃତ୍ତମାନେ ଆସି ମୋଟର ସାଇକେଲର ଡିକି ଭାଙ୍ଗି ବି ଚୋରି କରି ନେଉଛନ୍ତି । ATM ଗୁଡିକ ସାମ୍ନାରୁ ଦୁର୍ବୃତ୍ତମାନେ ଟଙ୍କା ଉଠାଣ କରୁଥିବା ବ୍ୟକ୍ତିଙ୍କୁ ସହଯୋଗ କରିବା ନାଁରେ ଠକେଇ କରୁଛନ୍ତି ।