ସୁବର୍ଣ୍ଣପୁର: ରାଗରେ ଜର୍ଜରିତ ହୋଇ ଉଡ଼ିଲା ବାପାର ହୋସ । ଟାଙ୍ଗିଆ ଚୋଟରେ ସ୍ତ୍ରୀ, ଝିଅ ଓ ଶାଳକକୁ କରିଛି ଆକ୍ରମଣ । ଫଳରେ ବାପାର ଟାଙ୍ଗିଆ ଚୋଟରେ ଝିଅର ଘଟିଛି ମୃତ୍ୟୁ । ସେମାନଙ୍କୁ ଜିଲ୍ଲାର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିବା ବେଳେ ହସ୍ପିଟାଲରେ ଆଖିବୁଜିଛି ଝିଅ । ସେପଟେ ସ୍ତ୍ରୀ ଓ ଶାଳକ ଗୁରୁତର ଆହତ ହୋଇ ଚିକିତ୍ସିତ ହେଉଥିବା ଜଣାପଡ଼ିଛି ।
ବାପାର ଟାଙ୍ଗିଆ ଚୋଟରେ ଝିଅ ମୃତ, ମାଆ-ମାମୁଁ ଗୁରୁତର
ମୃତ୍ୟୁ ଘଟିଥିବା ଝିଅର ନାମ ଶ୍ରାବଣୀ(୧୨) ବୋଲି ଜଣାପଡିଛି । ସେମାନଙ୍କ ଘର ବୌଦ୍ଧ ଜିଲ୍ଲା ବାଉଁଶୁଣୀ ଥାନା ଅନ୍ତର୍ଗତ ମଂଗଳମୁଣ୍ଡା ଗାଁରେ ବୋଲି ଜଣାପଡ଼ିଛି । ଶ୍ରାବଣୀ, ଶ୍ରାବଣୀଙ୍କ ମା ଓ ମାମୁଁ ଗତକାଲି(ରବିବାର) ରାତିରେ ଘରକୁ ବିଳମ୍ବରେ ଫେରିବା ପରେ ବାପା ରାଜକୁମାର ପ୍ରଥମେ ପାଟିତୁଣ୍ଡ କରିଥିଲେ । ଏହାପରେ ଯୁକ୍ତିତର୍କ ହେବାରୁ ଉତକ୍ଷିପ୍ତ ହୋଇ ରାଜକୁମାର ସେମାନଙ୍କୁ ଟାଙ୍ଗିଆରେ ଆକ୍ରମଣ କରିଥିଲେ ।