ସୁବର୍ଣ୍ଣପୁର: ଶ୍ରମିକ ପଞ୍ଜିକରଣରେ ବ୍ୟାପକ ଦୁର୍ନୀତି ଅଭିଯୋଗ। ଏନେଇ ସୁବର୍ଣ୍ଣପୁର ଜିଲ୍ଲା ଶ୍ରମିକ ସଙ୍ଘ ପକ୍ଷରୁ ଆଜି ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ବିକ୍ଷୋଭ ପ୍ରଦର୍ଶନ କରାଯାଇଛି। ବରିଷ୍ଠ ଆଇନଜୀବୀ ବଳଦେବ ବେଦବାକ ଓ ଶ୍ରମିକ ନେତା ଆନନ୍ଦ ବାରିକଙ୍କ ନେତୃତ୍ବରେ ଶହ ଶହ ଶ୍ରମିକ ଏହି ଆନ୍ଦୋଳନରେ ସାମିଲ ହୋଇଛନ୍ତି।
ଜୁଲମ ଚଳାଇଛନ୍ତି ମାଲିକ,ଶୋଷଣ ଅଭିଯୋଗରେ ଶ୍ରମିକଙ୍କ ବିକ୍ଷୋଭ
ସ୍ଥାନୀୟ ଟାଉନ ହଲଠାରୁ ଏକ ବିରାଟ ଶୋଭାଯାତ୍ରାରେ ଶ୍ରମିକମାନେ ସହର ପରିକ୍ରମା କରି ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚିଛନ୍ତି। ସେଠାରେ ବିକ୍ଷୋଭ ପ୍ରଦର୍ଶନ କରିବା ସହିତ ଶ୍ରମିକମାନେ ନିଜର ଦାବୀ ଉପସ୍ଥାପନ କରିଛନ୍ତି। ସୂଚନା ଅନୁସାରେ, ଶ୍ରମିକ ପଞ୍ଜିକରଣରେ ବ୍ୟାପକ ଦୁର୍ନୀତି ହେଉଥିବା ସଂଘ ପକ୍ଷରୁ ଅଭିଯୋଗ ହୋଇଛି। ସେହିପରି ଶ୍ରମିକମାନେ ମାଲିକଙ୍କ ପାଖରେ ଶୋଷଣ ହେଉଥିବା ବେଳେ ନୂତନ ଶ୍ରମ ମଜୁରୀ ଦାବି କରିଛନ୍ତି।