ସୁବର୍ଣ୍ଣପୁର: ବିଦ୍ୟାଳୟରେ ବନ୍ଦ କରିବା ପ୍ରତିବାଦରେ ସୁବର୍ଣ୍ଣପୁର ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ ହୋଇଛି। ସୁବର୍ଣ୍ଣପୁର ତରଭା ବ୍ଲକ ଜନକପୁର ଗାଁ ପ୍ରାଥମିକ ବିଦ୍ୟାଳୟକୁ ବନ୍ଦ କରିବାକୁ ନିର୍ଦ୍ଦେଶ ଦେଇଛି ରାଜ୍ୟ ସ୍କୁଲ ଓ ଗଣଶିକ୍ଷା ବିଭାଗ। ଏହାକୁ ନେଇ ସ୍ଥାନୀୟ ଅଭିଭାବକମାନେ ବିରୋଧ କରିଛନ୍ତି। ଏହାସହ ଦାବି ସମ୍ପର୍କିତ ଏକ ସ୍ମାରକପତ୍ର ଜିଲ୍ଲାପାଳଙ୍କୁ ପ୍ରଦାନ କରାଯାଇଛି।
ଜନକପୁର ପ୍ରାଥମିକ ବିଦ୍ୟାଳୟରେ ପଡିବ ତାଲା, ପ୍ରତିବାଦ କଲେ ଗ୍ରାମବାସୀ
ଜନକପୁର ଗାଁ ପ୍ରାଥମିକ ବିଦ୍ୟାଳୟରେ 20 ରୁ ଅଧିକ ଛାତ୍ରଛାତ୍ରୀ ପାଠ ପଢ଼ୁଛନ୍ତି। 50 ବର୍ଷ ହେଲା ଏହି ସ୍କୁଲ ଏଠାରେ ରହିଛି। ଏହି ସ୍କୁଲ ଛଡ଼ା ଆଖପାଖ ଅଞ୍ଚଳରେ ଆଉ ସ୍କୁଲ ନଥିବା ସୂଚନା ମିଳିଛି। ଜନକପୁର ପ୍ରାଥମିକ ବିଦ୍ୟାଳୟ ବନ୍ଦ ହେଲେ କିଭଳି ପିଲାମାନେ ପାଠ ପଢ଼ିବେ ବୋଲି ଅଭିଭାବକମାନେ ପ୍ରଶ୍ନ କରିଛନ୍ତି।