ସୁବର୍ଣ୍ଣପୁର: ବିପୁଳ ପରିମାଣର କଫସିରଫ ଜବତ । ବେଆଇନ ଚାଲାଣ ହେଉଥିବାବେଳେ ଏକ ଅଟୋରୁ ୨୪୨ ବୋତଲ କଫସିରଫ ଜବତ ହେବା ସହ ୩ ଜଣ ଯୁବକଙ୍କୁ ଗିରଫ କରିଛି ପୋଲିସ । ସୁବର୍ଣ୍ଣପୁର ଉଲୁଣ୍ଡାରୁ ବିନିକାକୁ ଚାଲାଣ ହେଉଥିବା ନେଇ ଉଲୁଣ୍ଡା ପୋଲିସକୁ ସୂଚନା ମିଳିଥିଲା । ଏହି ଖବର ପାଇ ଉଲୁଣ୍ଡା ପୋଲିସ ଚଢାଉ କରିଥିଲା ।
ବେଆଇନ କଫସିରଫ ଚାଲାଣ
ପୋଲିସ ଦ୍ବାରା ଗିରଫ ଯୁବକମାନେ ହେଲେ ଉଲୁଣ୍ଡା ଗଣ୍ଡା ବାହାଲର ଦିବ୍ୟ ଜଗଦଲା,ସିକନ୍ଦର ବାଗ ଏବଂ ବିନିକାର ସୁଇତୁ ସାହୁ । ବିଶ୍ବସ୍ଥସୂତ୍ରରୁ ଖବର ପାଇ, ଉଲୁଣ୍ଡା ପୋଲିସ ହସ୍ପିଟାଲ ସାମ୍ନାରୁ ଅଟୋକୁ ଅଟକାଇ ଯାଞ୍ଚ କରିଥିଲା । ଏହି ସମୟରେ ଅଟୋରୁ ୨୪୨ ବୋତଲ କଫସିରଫ ସହ ଏକ ଲାଇଟର ପିସ୍ତଲ, ନିଶା ଟାବଲେଟ, ଏକ ଲୁହା ଫାଇଟର, ଏକ ସୁନା ଚେନ, ୩ଟି ମୋବାଇଲ୍ ଏବଂ ଅନ୍ୟାନ୍ୟ ସାମଗ୍ରୀ ବାହାରିଥିଲା ।