ସୁବର୍ଣ୍ଣପୁର : ଜିଲ୍ଲା ସଦର ତହସିଲ ଅଧୀନରେ ସରକାରୀ ନୀତିନିୟମକୁ ଫୁ କରି ବ୍ୟାପକ ମାତ୍ରାରେ ଖଣିଜ ସମ୍ପଦ ଲୁଟ ହେଉଛି । ବେଧଡ଼କ ଚାଲିଛି ବାଲି ,ମୋରମ ଓ ପଥର ଚାଲାଣ ।
ବେଆଇନ ଖଣିଜ ସମ୍ପଦ ଲୁଟ, ତହସିଲଦାରଙ୍କ ଚଢ଼ାଉ
ସୁବର୍ଣ୍ଣପୁର ସଦର ତହସିଲରେ ବିନା ସରକାରୀ ଅନୁମୋଦନରେ ଖାଦାନ ଗୁଡ଼ିକରୁ ଜେସିବି ଓ ଟ୍ରାକ୍ଟର ଲଗାଇ ବାଲି ,ମୋରମ ଆଦି ଚୋରା ଚାଲାଣ କରାଯାଉଛି । ଫଳରେ ସରକାରୀ ରାଜସ୍ବ ହାନି ହେବା ସହିତ ସହରରେ ଭାରି ଯାନ ଚଳାଚଳରେ ଅସୁବିଧା ଦେଖା ଦେଉଛି । ସଦର ତହସିଲଦାରଙ୍କ ପକ୍ଷରୁ ଅନେକ ଚଢ଼ାଉ କରାଯାଉଥିବା ବେଳେ ବେପାରୀମାନେ ଅନେକ ସମୟରେ ଖସି ଯାଉଛନ୍ତି । ସଦର ତହସିଲଦାର ଏକ ଖାଦାନରେ ଚଢ଼ାଉ କରି ଗୋଟିଏ ଜେସିବି ସହିତ ଦୁଇଟି ମୋରମ ବୋଝେଇ ଟ୍ରାକ୍ଟର ଜବତ କରିଛନ୍ତି । ଜେସିବି ମାଲିକ ପାଖରୁ 20 ହଜ଼ାର ଓ ଦୁଇ ଟ୍ରାକ୍ଟର ମାଲିକଙ୍କ ପାଖରୁ 10 ହଜ଼ାର ଟଙ୍କା ଲେଖାଏଁ ଫାଇନ ଆଦାୟ କରାଯାଇଛି ।