ସୁବର୍ଣ୍ଣପୁରରେ ଦୂର ହେବ ଦାଦନ ଦୁଃଖ

ଏଣିକି ଜିଲ୍ଲାରୁ ଆଉ କୌଣସି ଯୁବକ ବାହାର ରାଜ୍ୟକୁ ଦାଦନ ଖଟିବାକୁ ଯିବେ ନାହିଁ। ନିଜ ମାଟିରେ ସମ୍ମାନର ସହିତ ରୋଜଗାର କରିବା ପାଇଁ ଜିଲ୍ଲା ପ୍ରଶାସନ ବ୍ୟାପକ କାର୍ଯ୍ୟକ୍ରମ ହାତକୁ ନେଇଛି ବୋଲି ଜିଲ୍ଲାପାଳ ମନୀଷା ବାନାର୍ଜୀ କହିଛନ୍ତି।

ସୁବର୍ଣ୍ଣପୁର: ଏଣିକି ଜିଲ୍ଲାରୁ ଆଉ କୌଣସି ଯୁବକ ବାହାର ରାଜ୍ୟକୁ ଦାଦନ ଖଟିବାକୁ ଯିବେ ନାହିଁ। ନିଜ ମାଟିରେ ସମ୍ମାନର ସହିତ ରୋଜଗାର କରିବା ପାଇଁ ଜିଲ୍ଲା ପ୍ରଶାସନ ବ୍ୟାପକ କାର୍ଯ୍ୟକ୍ରମ ହାତକୁ ନେଇଛି ବୋଲି ଜିଲ୍ଲାପାଳ ମନୀଷା ବାନାର୍ଜୀ କହିଛନ୍ତି। ଏନେଇ ମଙ୍ଗଳବାର ଜିଲ୍ଲାର ଦକ୍ଷତା ବୃଦ୍ଧି ତାଲିମ କେନ୍ଦ୍ରରେ ପାଣି ପାଇପ ମିସ୍ତ୍ରୀଙ୍କ ପାଇଁ ପ୍ରଶିକ୍ଷଣ ଶିବିର ଉଦଘାଟନ କରିବା ଅବସରରେ ଜିଲ୍ଲାର ଯୁବକ ଯୁବତୀମାନେ ସମ୍ମାନର ସହିତ ରୋଜଗାର କରିବା ସହିତ ନିଜ ମାଟିରେ ପ୍ରଶାସନ ପକ୍ଷରୁ ଚାଲିଥିବା ବୈଷୟିକ ଶିକ୍ଷା ଓ ପ୍ରଶିକ୍ଷଣ ଉପରେ ଆଲୋଚନା କରିଥିଲେ।

ଏହି କେନ୍ଦ୍ରରେ 60 ଜଣ ଶିକ୍ଷାର୍ଥୀ ଏକ ସମୟରେ 10 ଦିନ ପ୍ରଶିକ୍ଷଣ ନେବା ପରେ ରୋଜଗାରକ୍ଷମ ହୋଇ ପାରିବେ। ସେହିପରି ଜିଲ୍ଲାର ଆଇଟିଆଇରେ 350 ଜଣ ଯୁବକ ଓ ଯୁବତୀ 6ଟି ବିଷୟରେ ପ୍ରଶିକ୍ଷଣ ନେବା ପରେ ରୋଜଗାର କରି ପାରୁଥିବା ସୂଚନା ଦେଇଥିଲେ। ସେପଟେ ଦାଦନ ଖଟିବାକୁ ନଯାଇ ପ୍ରଶିକ୍ଷଣ ନେଇ ରୋଜଗାରକ୍ଷମ ହେବା ପାଇଁ ପରାମର୍ଶ ଦେଇଥିଲେ ଜିଲ୍ଲାପାଳ।

ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ