ସୁବର୍ଣ୍ଣପୁର: ବଙ୍ଗୋପସାଗରରେ ଲଘୁଚାପ ଫଳରେ ସୁବର୍ଣ୍ଣପୁରରେ ଢାଳୁଛି ବର୍ଷା । ଗତକାଲି ଠାରୁ ମଝିରେ ମଝିରେ ଘଡଘଡି ସହ ମୂଷଳ ଧାରାରେ ବର୍ଷା ଲାଗିରହିଛି । ତୁହାକୁ ତୁହା ହେଉଥିବା ଏହି ବର୍ଷାରେ ଜନଜୀବନ ସମ୍ପୂର୍ଣ୍ଣ ଅସ୍ତବ୍ୟସ୍ତ ହୋଇପଡିଛି । ଏହାସହ ସହରର ବିଭିନ୍ନ ତଳି ଅଞ୍ଚଳରେ ଆଣ୍ଠୁଏ ଲେଖାଏଁ ପାଣି ଜମି ରହିଛି ।
ଭିଡିଓ ସୌଜନ୍ୟ: ପ୍ରତିନିଧି ସୁବର୍ଣ୍ଣପୁର
ବର୍ଷା ଓ ସହରରେ ଜମି ରହିଥିବା ପାଣି ପାଇଁ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଅନ୍ୟପଟେ ସହରର ପାତଭାଡ଼ି ,ବ୍ଲକ ଛକ ,ରିଂ ରୋଡ, କୁମ୍ଭାରପଡା ଆଦି ଅଞ୍ଚଳରେ ରାସ୍ତାରେ ପାଣି ଚାଲୁଛି । ଡ୍ରେନ ଗୁଡିକ ଜବରଦଖଲ ଓ ସଫା ହୋଇନଥିବାରୁ ବର୍ଷା ପାଣି ନିଷ୍କାସନ ହୋଇ ପାରୁନାହିଁ । ଡ୍ରେନର ଅପରିଷ୍କାର ପାଣି ମାଡ଼ି ଲୋକେ ବାଧ୍ୟ ହୋଇ ଯିବାଆସିବା କରୁଛନ୍ତି ।