ସୁବର୍ଣ୍ଣପୁର: ସୁବର୍ଣ୍ଣପୁର ଜିଲ୍ଲାରେ ସକାଳ 9ଟାରୁ ଆରମ୍ଭ ହୋଇଯାଇଛି ପ୍ରବଳ ବର୍ଷା । ସକାଳୁ ଜିଲ୍ଲାର ପାଣିପାଗ ଶୁଖିଲା ରହିଥିଲା । ହେଲେ ହଠାତ ଖୁବ ଜୋରେ ପବନ ହେବା ସହ ଘଡଘଡି ଓ ବର୍ଷା ଆରମ୍ଭ ହୋଇଯାଇଥିଲା । ତେବେ ପ୍ରାୟ ଏକ ଘଣ୍ଟା ଯାଏଁ ମୁଷଳ ଧାରାରେ ବର୍ଷା ହେବା ପରେ ଏବେବି ଝିପି ଝିପି ବର୍ଷା ଲାଗି ରହିଛି ।
ଗତ ମାସେ ହେବ ତାତିରେ ଲୋକେ ଅତିଷ୍ଠ ହୋଇ ପଡ଼ିଥିବା ବେଳେ ଆଜିର ଏହି ଅଦିନିଆଁ ବର୍ଷା ପାଇଁ ଲୋକେ ଟିକିଏ ଆସ୍ବସ୍ତି ଅନୁଭବ କରିଛନ୍ତି । ତେବେ ବର୍ଷା ହେବା ଯୋଗୁଁ ସକାଳୁ ଦୈନିକ ବଜ଼ାର ଯାଇଥିବା ଲୋକେ ବର୍ଷାରେ ଭିଜି ଭିଜି ଘରକୁ ଆସୁଥିବା ଦେଖିବାକୁ ମିଳିଛି । ଏହି ପରିବର୍ତ୍ତିତ ପାଣିପାଗ ଯୋଗୁଁ ଲୋକେ ଟିକିଏ ଥଣ୍ଡା ଅନୁଭବ କରୁଥିବା ବେଳେ ଚାଷୀ ମାନଙ୍କ ରବି ଧାନ ଚାଷ କିଛି ପରିମାଣରେ କ୍ଷତି ହୋଇଥିବା ଆଶା କରାଯାଉଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ