ସୁବର୍ଣ୍ଣପୁର: ଦରମା ବୃଦ୍ଧି ଦାବିରେ ରାସ୍ତାକୁ ଓହ୍ଲାଇଲେ ସୁବର୍ଣ୍ଣପୁର ଯୁକ୍ତ ତିନି ବିଜୁ ପଟ୍ଟନାୟକ ମହିଳାର ଅଧ୍ୟାପକ ଅଧ୍ୟାପିକା କର୍ମଚାରୀ । ଶ୍ରେଣୀ ବର୍ଜନ କରିବା ସହ ମହାବିଦ୍ୟାଳୟର ସମସ୍ତ କୋଠାରେ ପକାଇଛନ୍ତି ତାଲା । ତିନି ଜଣ ଅଧ୍ୟାପିକା ଓ ଆଠ ଜଣ ଅଣ ଶିକ୍ଷକ ପରିଚାଳନା ପରିଷଦ ଆଗରେ ଦୀର୍ଘ ଦିନରୁ ଦାବି ଉପସ୍ଥାପନା କରିଥିଲେ । ଏପରିକି ପରିଚାଳନା ପରିଷଦର ସଭାପତି ଉପ-ଜିଲ୍ଲାପାଳ ଓ ଜିଲ୍ଲାପାଳଙ୍କ ନିକଟରେ ଦରମା ବୃଦ୍ଧି ନେଇ ଅଭିଯୋଗ କରିଥିଲେ । କିନ୍ତୁ ସବୁଠାରୁ ନିରାଶ ହେବା ପରେ ଶେଷରେ ଆନ୍ଦୋଳନକୁ ଓହ୍ଲାଇଛନ୍ତି ।
ଭିଡିଓ ସୌଜନ୍ୟ:ପ୍ରତିନିଧି, ସୁବର୍ଣ୍ଣପୁର
ସେପଟେ, ମହାବିଦ୍ୟାଳୟର ଅଧ୍ୟକ୍ଷା ବୈଜୟନ୍ତୀ ନାଏକ ଆନ୍ଦୋଳନରତ କର୍ମଚାରୀଙ୍କୁ ନିବୃତ୍ତ ରହିବାକୁ ଅନୁରୋଧ କରିଥିବାବେଳେ ଦାବି ପୁରା ହେଲେ ଆନ୍ଦୋଳନରୁ ହଟିବେ ବୋଲି ଚେତାବନୀ ଦେଇଛନ୍ତି କର୍ମଚାରୀ । ଏପରିକି ଆଗାମୀ ଦିନରେ କଳାବ୍ୟାଚ ପିନ୍ଧି ଧାରଣା କରିବେ ବୋଲି କହିଛନ୍ତି ।