ସୁବର୍ଣ୍ଣପୁର:ରୋଗୀଙ୍କୁ ଖାଦ୍ୟ ଯୋଗାଉଛି ସ୍ବେଚ୍ଛାସେବୀ ସଂଗଠନ । ମହାମାରୀ କୋରୋନା ସମୟରେ ଗରିବ ଶ୍ରେଣୀର ଲୋକଙ୍କୁ ଦୁଇ ମୁଠା ଆହାର ଯୋଗାଉଛି ସୁବର୍ଣ୍ଣପୁରର କେଶରୀୟା ହିନ୍ଦୁ ବାହିନୀ ।
ଡାକ୍ତରଖାନାରେ ରୋଗୀଙ୍କୁ ଖାଦ୍ୟ ବାଣ୍ଟଛି ସ୍ବେଚ୍ଛାସେବୀ ସଂଗଠନ
ଲଗାତାର ଭାବରେ ତୃତୀୟ ସପ୍ତାହରେ ମଧ୍ୟ କେଶରୀୟା ହିନ୍ଦୁ ବାହିନୀ ସୁବର୍ଣ୍ଣପୁର ଜିଲ୍ଲା ତରଫରୁ ଜିଲ୍ଲା ମୁଖ୍ୟ ଚିକିତ୍ସାଳୟ ଠାରେ ଓ ବିନିକା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଠାରେ ରୋଗୀଙ୍କ ସହାୟକଙ୍କୁ ମାଗଣା ରନ୍ଧା ଖାଦ୍ୟ ବଣ୍ଟନ କରାଯାଇଛି । ଏହା ସହିତ ବିନିକା ସହର ଓ ସୋନପୁର ନଗରର ବିଭିନ୍ନ ଯାଗାରେ ନିରାଶ୍ରୟ ଓ ଗରିବ ଲୋକଙ୍କୁ ମଧ୍ୟ ରନ୍ଧା ଖାଦ୍ୟ ବଣ୍ଟନ କରାଯାଇଛି । ଜିଲ୍ଲା ସଭାପତି ବ୍ୟାସଦେବ ମିଶ୍ର ଓ ଜିଲ୍ଲା ସାଧାରଣ ସମ୍ପାଦକ ପ୍ରଶାନ୍ତ ଦଣ୍ଡସେନାଙ୍କ ନେତୃତ୍ବରେ କାର୍ଯ୍ୟକର୍ତାମାନେ ଏହି ଖାଦ୍ୟ ବଣ୍ଟନ କାର୍ଯ୍ୟକ୍ରମରେ ସାମିଲ ହୋଇ ପ୍ରଚଣ୍ଡ ଗ୍ରୀଷ୍ମରେ ଖାଦ୍ୟ ବଣ୍ଟନ କରିଥିଲେ।