ସୁବର୍ଣ୍ଣପୁର : ପ୍ରଥମ ଥର ପାଇଁ ସୁବର୍ଣ୍ଣପୁର ସହରର ଗାନ୍ଧୀ ପଡିଆଠାରେ ଆୟୋଜିତ ହେବ ରାବଣ ଦରବାର । ଏନେଇ ସ୍ଥାପନ ହୋଇସାରିଛି ଶୁଭସ୍ତମ୍ଭ । ଚନ୍ଦ୍ରଶେଖର ପାଠାଗାର ପକ୍ଷରୁ ଆୟୋଜିତ ଏହି ଉତ୍ସବ ମାର୍ଚ୍ଚ 15 ରୁ ଆରମ୍ଭ ହୋଇ 23 ଯାଏଁ ଚାଲିବ ।
ପ୍ରଥମ ଥର ସୁବର୍ଣ୍ଣପୁରରେ ହେବ ରାବଣ ଦରବାର
ଶୁଭସ୍ତମ୍ଭ ଉତ୍ସବରେ ଏକ ବର୍ଣ୍ଣାଢ୍ୟ ଶୋଭାଯାତ୍ରା ଦେବୀ ମା ସୁରେଶ୍ବରୀ ମନ୍ଦିରରୁ ବାହାରି ସହର ପରିକ୍ରମା କରି ଗାନ୍ଧୀ ପଡିଆଠାରେ ପହଞ୍ଚିଥିଲା । ପଡିଆରେ ରାବଣ ଦରବାର ପାଇଁ ଭୂମି ପୂଜନ କରାଯାଇ ଶୁଭସ୍ତମ୍ଭ ସ୍ଥାପନ କରାଯାଇଥିଲା । ଯାତ୍ରା ପାଇଁ ମନୋନୀତ ହୋଇଥିବା ପ୍ରସିଦ୍ଧ କଳାକାର ଗୋପାଳ ପଣ୍ଡା ଭୂମି ପୂଜନ କାର୍ଯ୍ୟକ୍ରମରେ ସାମିଲ ହୋଇଥିଲେ ।