ସୁବର୍ଣ୍ଣପୁର: ଡଙ୍ଗା ବୁଡି ବାପ ଓ ପୁଅ ମୃତ । ସୁବର୍ଣ୍ଣପୁର ଜିଲ୍ଲା ବିନିକା ମହାନଦୀରେ ଡଙ୍ଗା ବୁଡି ବାପ ଓ ପୁଅର ମୃତ୍ୟୁ ଘଟିଥିବା ଜଣାପଡିଛି ।
ଡଙ୍ଗା ବୁଡି ବାପ ଓ ପୁଅଙ୍କ ମୃତ୍ୟୁ ସହରର ସୁଲେମାନ ଖାଁଙ୍କ ପରିବାରର ତିନିଜଣ ସଦସ୍ୟ ମହାନଦୀ ମଝିରେ ଥିବା ବାଇକାନୀ ମନ୍ଦିରକୁ ଡଙ୍ଗା ଯୋଗେ ବୁଲିବାକୁ ଯାଇଥିଲେ । ସଂନ୍ଧ୍ୟାରେ ଫେରିବା ସମୟରେ ଡଙ୍ଗାଟି ଓଲଟି ପଡି ବୁଡି ଯାଇଥିଲା ।
ଯାହାଫଳରେ ନଦୀରେ ବୁଡିଯାଇ ବାପ ସୁଲେମାନ ଏବଂ ସାତ ବର୍ଷର ପୁଅ ଆଜଲାଲଙ୍କ ମୃତ୍ୟୁ ଘଟିଛି । ବିନିକା ଦମକଳ ବାହିନୀ ଓ ସ୍ଥାନୀୟ ଲୋକେ ଉଭୟଙ୍କ ମୃତଦେହ ଉଦ୍ଧାର କରିଛନ୍ତି ।
ତେବେ ସାଙ୍ଗରେ ଯାଇଥିବା ସୁଲେମାନଙ୍କ ଝିଅ ଅଳ୍ପକେ ବର୍ତ୍ତି ଯାଇଥିବା ଜଣାପଡିଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
